1 жасында есту қабілетінен айырылған қазақ қызы әсем әнімен әлемді таң қалдырды

Жұма, 9 Қыркүйек , 2016 14:22

Əйгерім 11 айлығында ауырып қалып, содан құлағы естімей қалған. 17 жасында бір жақ құлағы есту қабілетінен біржола айырылған. Соның бəріне қарамастан, ол орта және жоғары білім алып, тіпті ән де салып жүр.

14269864_1100150833408769_898669301_n

Бұл туралы “Жас Өркен” порталы хабарлайды.

Есту қабілетінен айырыла тұра, ән салу мүмкін еместей көрінеді. Ол 17 жасында кохлеарлы имплант аппаратын орнатып, соның көмегімен естіп, дұрыс сөйлеуді үйренген екен. Польшада өткен есту қабілеті нашар жандар арасындағы «Ритми улитки» байқауынан Əйгерім лауреат атанып қайтты. Үздік он орындаушы қатарына енді. Оның əнін тыңдаған дəрігерлер де, музыканттар да таңданыстарын жасыра алмады. Өйткені, құлақ мүкістігінің 4-дəрежесі (мүлде естімей қалған) диагнозымен əн айтпақ түгілі, дұрыс сөйлеу де мүмкін емес дейді мамандар.

14089405_1100151370075382_1919586830_n

Талапты да талантты жанға ештеңе де кедергі емес. Əйгерім соны дəлелдеді. Енді Əйгерім Ресейдегі «Мен əлемді естимін» («Я слышу мир») байқауына жолдама алды. 15 қыркүйек күні Петербор сахнасында өзімен тағдырлас таланттармен бақ сынасады.

Əнші қыздың ата-анасы – танымал əртістер. Ол – есімдері белгілі Нұржан мен Гүлшат Тұтованың тұңғышы. Қыздарының осы күнгі жетістігі үшін қалай күрескенін іштей бағамдай беріңіздер. Ал, біз Əйгеріммен əңгімелесе отырып, оның өмірге, өнерге деген құштарлығына разы болдық.

14249239_1100151780075341_163147710_n

“Мен кішкентай күнімнен-ақ əн айтқанды жақсы көретінмін. Үй ішінде үнемі əндетіп жүретін əдетім бар. Өткенде бірінші рет əн орындағанымды видеоға түсіріп, оны инстаграмдағы парақшама салдым. Қызығы, осы видеомды Польшадағы «Ритми улитки» халықаралық əн фестивалінің ұйымдастырушысы байқап қалыпты. Маған хабарласып, Варшавадағы байқауға қатысуға ұсыныс айтты. Мен қуана-қуана келістім. Құлағымдағы кохлеарлы имплант (КИ) аппараты – MED-EL компаниясының өнімі. Байқаудың негізгі ұйымдастырушысы да осы компания екен. КИ – есту қабілетін қалпына келтіретін протез. Сол MED-EL компаниясы барлық қатысушылардың жолақысын өздері төлеп, əндерін де арнайы студияларда жазуға көмектесті”, – дейді Әйгерім.

14248894_1100148866742299_963417246_n

Әйгерім сайыс барысында үздік ондықтың қатарына кіріп, гала-концертте Кристина Агилераның репертуарындағы «Hurt» атты əнді орындаған.

“11-сыныпта күрделі отаға тəуекел еттік. Бір ай сабақтан қалдым. Отадан соң түрлі мамандармен күнделікті жұмыс жасап, дыбыстарды ажыратуды, дұрыс сөйлеуді үйрендім. Ол шақта қанша жерден əн айтқым келсе де, айта алмадым. Оның бəрі арман еді. Аз жылдың ішінде талмай еңбектенудің арқасында қатесіз əн айта алатындай дəрежеге жеттім. Құлағы естімей қалған жандардың үлкен сахнада əн салуы – зор жетістік”, – дейді ол.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

2
Комментариев

Leave a Reply

Your email address will not be published.

Орташа айырбас бағамы
26.09.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар