Ол ата-анасы есімін әкесінің ісін жалғастырушы болсын деген ырыммен Мирас деп қойғанын еске алады.
Айта кетейік, “Алтын адамды” тапқан арxеолог Бекен Нұрмұханбетұлы өмірден озған еді.
«Біз төрт ағайынды едік, қазір үшеуміз қалдық. Біздер археологияның не екенін бала жастан ұғып өстік. Әкемнің достары, таныстары ол туралы мінезі ашық, ешкімнің көңілін қалдырмайтын, көмек жасауға ұмтылып тұратын адам деп айтады», – дейді ұлы.
Әрдайым экспедияларда жүретін ғалым әкелерін ұлдары асыға күтетін. Сондықтан сапардан келісімен уақытын балаларына бөлетін.
«Ол соңғы «экспедициясына» аттанып, ата-баба аруақтарымен табысты. Жатқан жерің жәннатта болсын! Иманды болсын!», – деп жазады Арман Нұрмұханбетов өзінің Facebook-тегі парақшасына.
Бұл сенсациялық жаңалық Есік қорғанының атын барша әлемге жайды. Табылған «Алтын адам» кейін тәуелсіз Қазақстанның символына айналды. Сақ жауынгерінің бейнесі Алматыдағы тәуелсіздік алаңындағы ескерткіште бейнеленген.
2011 жылы археолог Нұрсұлтан Назарбаевтың қолдауы арқасында «Есік» Мемлекеттік тарихи-мәдени қорық-мұражайын ашты. Ұлы Жібек жолында орналасқан «Есік» қорық-мұражайы еліміздің мәдени туризмін дамытудағы маңызды нысандардың біріне айналды.
