Беделхан «91» тобын сынаған Оңтүстіктің жастарын әжуалады
Әнші Есболат Беделхан Ninety one (91) тобын сынап, «Шымкентте концерт өткізуіне жол бермейміз» деп бас көтерген Оңтүстіктің жастарын әжуалады.
Бұл туралы Stan.kz хабарлайды.
Шымкент қаласының жастары 91 тобындағы бес жігіттің өзіндің стильдерімен өскелең ұрпаққа кері әсер етіп жатқандарын айтып, қынжылды.
«Киелі домбыраны сахнаға алып шыққан қазақпыз. Сол киелі сахнаға жынойнақтың келіп ән салуына мүлдем қарсымыз», – деп ұрандаған жастар аталмыш топтың Шымкент қаласында концерт беруіне жол бермейтіндерін мәлімдеді. Олардың бұл бастамасын әнші Заттыбек Көпбосынұлы қолдады.
Ал «Орда» тобының әншісі Есболат Беделхан ұлттық құндылықтарды негізге ала отырып, бас көтерген жастарға наразылығын білдірді.
Оңтүстік жастарының бейнероликтегі суретін жариялаған ол: «Qamshy.kz сайтының аты неге Makta.kz әлде Zhastyk.kz емес?…Қарсылық білдіріп жатқан жастардың қиялдарына таң қалам. Ырың жырың», – деп әжуалады.
Бір қызығы, Есболаттың желідегі оқырмандары оның сөзін құптады.
«Көреалмаушылық», «Хейтерлер қуады негізі», «Мақсаттары жоқтар», «Жаңаны қабылдай алмағандар тозығы жеткен дүниенің күліне тұншығатын болады», «Қандай жағдай болмасын, мойымаңыздар, сіздерде иглз бар, біз хейтерлерден екі есе мықтымыз», – дейді желі қолданушылары.
91 тобы өз фанаттарын «иглз» ал өздеріне қарсы шыққандарды «хейтер» деп атайды. Жастардың бұл «терминдерді» қолдануы сондықтан.
Жіберіп алмаңыз:
Есболат Беделхан 91 тобын сынаған Әбдірайымовке жауап берді (фото)
Ayumi “91” тобының қыздарша нұсқасына айналды деп сыналды