Баян Есентаева емделу үшін Үндістанға аттанды (фото, видео)
Күні кеше «ЕМА-2016» музыкалық байқауында «Кеш you» тобының кезекті жеңісін тойлаған продюсер Баян Есентаева Үндістанға жол тартты. Денсаулығын қалыпқа келтіріп жатқан ол аталмыш елдің астанасы Дели қаласына танымал дизайнер Аида Кауменова мен әріптес-құрбысы Динара Сәтжанмен бірге барған.
Бұл туралы Stan.kz хабарлайды.
«Дәрігерден дәрігерге, көңіл-күйім ойдағыдай. Біз Үндістан астанасындамыз. Денсаулығым әлі де күтімді талап етеді, Делиде толық тексерістен өтуді жөн көрдім. Неге десеңіздер, ұшақпен небәрі 3,5 сағатта жетесіз, check-up 550 долларды құрады, оның ішінде бәрі бар. Былтыр Кореяда бұдан бес есе көп төледім. Дәрігерлері – жоғары білікті мамандар. АҚШ пен Ұлыбританияда білім алып, тәжірибе жинақтаған. Заманауи ең мықты құрылғылар», – деді Есентаева желідегі жазбасында.
Продюсер Еуропа мен Кореяның қымбат емханаларынан гөрі Үндістанда емделген әлдеқайда тиімді екенін айтып өтті.
Желі қолданушылары Есентаеваға саулық тіледі. Продюсердің неліктен Қазақстанда емделмегенін сұрағандар да табылды. Сондай-ақ, күн сайын дұға-тілегінде Есентаеваның аманшылығын, тезірек сауығып кетуін тілейтін оқырман жылы лебізін арнады.
Жіберіп алмаңыз:
Баян Есентаева жұрт алдына көзілдіріксіз шықты (фото)
Есентаева «Қазақстан аруы» байқауының ұйымдастырушыларын айыптады
Баян Есентаева жалғызбасты аналарға қолдау көрсетуге шақырды
Атыраулық кәсіпкер Баян Есентаевамен байланысы бар екені туралы ақпаратты жоққа шығарды