Баян Есентаева емделудің ең үздік тәсілін айтты
Күйеуі ұрып, пышақтап ауыр халде ауруханаға түсіп, кейінірек үйіне шығып ем қабылдап жатқан белгілі тележүргізуші, продюсер Баян Есентаева өзінің қалай тәуір болып келе жатқаны туралы жария етті.
Сурет ic24.kz
Ол өз денсаулығы туралы Инстаграмдағы парақшасында жазды.
“Емделудің ең дұрыс түрі – бұл балалармен сөйлесу”, – деп жазды Есентаева. Танымал продюсер бірнеше жерден алған ауыр жарақаттарынан әлі толыққанды айыққан жоқ. Қазір ол ем қабылдау үстінде.
Еске сала кетсек, Баян Есентаева 10 маусым күні шұғыл түрде ауыр жарақатпен Талғар аудандық ауруханасына жеткізілген болатын. Алдын-ала деректер бойынша оның заңды некедегі күйеуі Бақытбек Есентаев Баянға пышақ жарақатын салған. Ол қазіргі таңда күдікті ретінде ұсталып, уақытша тергеу изоляторында отыр. “Өлтіруге ұмтылыс жасау” бабы бойынша іс қаралуда.
Бұған дейін Баянның Францияда емделіп жатқандығы туралы белгілі продюсер Эрик Тастамбеков те жазған болатын.
Продюсер 20 маусым күні ауруханадан шықты. Жуырда ғана оның сіңлісі Бағым Мұхитдинова жуырда оның шығармашылыққа қызу кірісетіндігі туралы жазған болатын.