Бауыржан Әбдішев мерзімінен бұрын бостандыққа шығудан бас тартты

Қарағанды облысының экс әкімі Бауыржан Әбдішев мерзімінен бұрын бостандыққа шықпайтын болды. Өйткені ол осы тұрғыда сотқа өткізген арызын кенеттен қайтып алған,-деп хабарлайды ктк арнасы.

Онысының себебін де ешкім білмейді. Әйтпесе, аудандық сот үкімі бойынша кесілген 5 жылды, апелляциялық инстанция 3 -ке дейін азайтқан. Ал 2014 жылдың қазан айынан бері сол 3 жылдың жартысын өтеген еді. Арызы да сәуірдің 20- сы күні қаралып, бостандыққа шығуына да еш кедергі болмаған.

Бірақ, сотқа бір күн қалғанда Әбдішев ойынан айнып, арызды қайтарып алыпты. Естеріңізге салсақ, Қарағандының экс-әкімі «Ахметов ісі» бойынша сотталған шенділердің бірі. Ал экс- премьердің өзіне 8 жыл жаза кесілген болатын.