Батыс Қазақстанда көктайғақтан жүздеген көлік айдалада қалды

Жұма, 11 Наурыз , 2016 7:51

Батыс Қазақстан облысындағы жолдар көктайғақ болып жатыр. Қақаған аязда 40-қа тарта ауыр жүк көлігі жол бойында қалған. Бұған аязды күні жауған жауын себеп болып отыр. Салдарынан, жердің бетіне мұз қатыпты. Бұған қоса, өңірдегі жел де күшейіп тұр. Тіпті, көліктер жол жиегіне шығып кетіп жатыр. Ал, жүргізушілер екі күннен бері көмек күтіп, айдалада қалған деп хабарлайды КТК телеарнасы.

Безымянный
Аязды күні жауған жауынның кесірінен жолдар құдды бір мұз айдынына айналғандай. Себебі, мұнда машина түгілі жаяу адамның өзі әрең жүреді. Қолайсыз ауа-райының кесірінен ауыр жүк көлігінің жүргізушілері айдалада қалған. Олар мұнда таңнан бері көмек күтіп жүр. Бірақ, келіп жеткен коммуналдық мекеме қызметкерлерінің өзі жарытып көмек бермей кетіпті.

“Келген құм себушілер бізге жеткен кезде, кейін бұрылып қайтып кетті. Ең болмаса, доңғалақтардың астына шашуын сұрап едік, бұл өтінішімізді де орындамады”, – дейді көлік жүргізушісі Николай Лазовой.

Оралдан 80 шақырым қашықтықтағы Ақтөбеге баратын жолда қалған 40 жүргізушінің де жағдайы осындай. Олар да ауа-райының кесірінен ешқайда қозғала алмай отыр. Көмек күтіп тағаты таусылған жүргізушілердің күре жолда түнегеніне міне екінші күн.

Қатты желден көліктер жаппай жол жиегіне шығып кетіп жатыр. Ішер асы мен соляркасы таусылғандарға жәрдем беруші жақын маңдағы ауыл тұрғындары ғана. Тек бүгін араға 2 тәулік салып мұнда тәртіп сақшылары жетті. Бірақ, олардың да қолдарынан ештеңе келмеген.

“Жол автокөліктері мен жолаушы тасымалдайтын автокөліктерге тыйым салдық. Қазіргі уақытта алдын-алу жұмыстары жүріп жатыр. Жеңіл автокөліктерге ашық”, – дейді Сырым аудандық ішкі істер бөлімінің аға инспекторы Ақтілек Исламғалиев.

Ал, кешке көк тайғаққа айналған күре жолдарды тазартуға арнайы техника бөлінгені белгілі болды. Осылайша, далада түнеген жүргізушілер аман-есен қозғалыстарын жалғастырды.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
18.10.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар