Батырхан Шүкеновтың жеке куәлігін саудаға салған азамат жазасыз қалуы мүмкін
Батырхан Шүкеновтың жеке куәлігін саудаға салған азаматты жауапқа тарту мүмкін болмай тұр. Әділет министрлігі ол азамат қазір біздің қызметкер емес, сондықтан оған қатысты еш шара қолдана алмаймыз деп, Ішкі істер министрлігіне сілтеді. Бұл туралы КТК хабарлайды.
Тәртіп сақшылары болса, дүние салған әншінің құжатын сатқан саудагердің әрекетін Қылмыстық кодекстің 371-ші бабы, «немқұрайлылыққа» жатқызған.
Бірақ оны тергеу Мемлекеттік қызмет және сыбайлас жемқорлыққа қарсы күрес агенттігінің құзырында деп, істі сонда жолдаған. Үш мемлекеттік орган өзара жауаптыны анықтағанша, Әнуар есімді жігіт әйгілі әншінің куәлігін үш жүз мыңға бағалап, кәде ретінде сатып жіберуі мүмкін.
Оның қолына құжат Батырхан куәлік ауыстырған кезде түсіпті. Сол кезде Әділет министрлігінің құжат рәсімдеу бөлімінде істеген жігіт, әншінің куәлігін жоймай, қалтасына салып алған көрінеді.
Тағы да оқыңыз:
Ақтөбеде 80 жастағы әжей емші “Қыдыр атаға” келетіндердің надан екенін айтты (видео)
Семейде екі метр қорғаннан секіріп кірген қаскөй 3 айлық күшіктің басын кесіп лақтырып кеткен
Астанада жедел жәрдем жүргізушісі мен дәрігері шақырған жерге мас күйінде келген