Дамир: Біріншіден мен өз отаныма адал азамат екенімді дәлелдегім келеді. Әскерге барып, отан алдындағы борышын өтеу әр бір ер азаматтың міндеті деп білемін. Әскер- мен үшін үлкен өмір мектебі.

-Сіздің бұл шешіміңізді «Барыстағы» жаттықтырушы, басшыларыңыз қалай қабылдады?

Дамир: Көптеген спортшылар әскери борышын өтеуге уақыт таппай жатады. Сондықтан басшыларым менің шешіміме алғашында таң қалды. Кейіннен түсіністікпен қарап рұқсаттарын берді.

-Әскердегі жаттығу уақыты спорттағы жаттығулармен салыстыруға келеді ме? Қандай айырмашылықтар байқадыңыз?

Дамир: Әскердегі әр бір минутымыз қажетіне сай қатаң тәртіппен алдын ала белгіленіп қойған. Мен осы уақытқа дейін әскери қатал тәртіпке үйреніп қалдым десем де болады.

-Әскердегі бір апта уақыттың ішінде не үйреніп үлгердіңіз?

Дамир: Біріншіден мен таңғы сағат 6-да оянып, 45 секундта киініп үлгеруге үйрендім. Ертеңгісін жүгіруге қазір ағзам да үйреніп қалған сияқты. Мұндай уақыт тығыздығы мен адамды физикалық шыдамдылыққа үйрету тек спортшыға емес барлық азаматқа керек дүние.

-Хоккей жаттығуларынан босаған уақытыңызды неге арнайсыз?

Дамир: Мен жаттығулар мен ойыннан босаған уақытымда жекпе-жекпен айналысамын. Яғни жаттығу залында боламын. Мен өте қауіпті ойын түрін таңдағанмын, сондықтан да үнемі барлық жайтқа дайын болу міндетім.

-Дамир, сізге бір сұрақ қоямын, тек ойланбастан тез жауап беруіңіз керек. Адамның қандай қасиеттерін бағалайсыз?

Дамир: Адалдық пен жауапкершілік

-Өз кемшілігіңіз деп нені айта алар едіңіз?

Дамир: Адамдарға тез сеніп қаламын

-Жанкүйерлеріңізге қандай тілегіңіз бар?

Дамир: Алдымен барлық жанкүйерлеріме қолдаулары үшін алғыс айтамын. Алдағы маусымда адал жанкүйерлерімізді қуанту үшін барымызды саламыз.

Дамир2