Барлығы аман қалды: Мексикада ұшу кезінде жолаушылар ұшағы апатқа ұшырады (видео)

Мексикада Виктория де Дуранго әуежайынан ұшып кеткен Aeromexico жолаушылар ұшағы апатқа ұшырады. Абырой болғанда, апат салдарынан адам шығыны болған жоқ, барлық жолаушылар таңғажайып жағдайда аман қалды.

Бұл туралы Би-би-си хабарлады, деп жазады Stan.kz ақпараттық агенттігі.

Жергілікті бұқаралық ақпарат құралдарының хабарлауынша, жолаушылардың басым бөлігі ұшақ кабинасынан өздері шыққан.

Денсаулық сақтау министрлігінің алдын-ала деректері бойынша апат салдарынан 85 адам зардап шекті. Қазір олар жақын маңдағы ауруханада жатыр.

97 жолаушы мен 4 экипаж мүшелері бар Embraer E90 ұшағы “Хенераль Гвадалупе Виктория” әуежайынан Мексика астанасына бағыт алған болатын.

Ұшақ ұшып-қону жолағынан ұша сала бірден құлады. Апатқа ұшыраған ұшақ оқиға салдарынан көп ұзамай өртеніп кетті.

#BREAKING Miraculously no fatalities reported as result of #Durango #Mexico #Aeromexico #Vuelo2431 plane crash @Telemundo51 pic.twitter.com/IgSpZHVsgN

— JRodriguez (@JRodzMIA) July 31, 2018

Stan.kz сайтын Telegram арқылы оқыңыз. Арнамызға жазылыңыз.