Балғынбек Имашев өзін жерге қатысты сынағандарға жауап берді

Жексенбі, 1 Мамыр , 2016 16:16

Бұған дейін айтыскер ақын жер сату мәселесіне қатысты пікірін ортаға салған еді. Енді ол сол пікірі үшін сын айтқандарға жауап қайтарды.

Bal-yinbek-Imashev-bes-ldan-keyin-yizdyi-boldyi

Сурет: aitysker.com 

Бұл туралы айтыскер Instagram парақшасында жариялады.

Ақын жерінің тыныштығын, бейбітшілігін тілей отыра сатқын атанғанына күйінеді.

“Әссәләмуғәләйкум, Қазақ Елі! Бағана бір азамат: Сен мемлекеттік қызметке жұмысқа кіргенсің бе деп сұрады. Мен таңғалып, неге олай сұрадың десем, Жерге байланысты жазған постарым ұнамапты. СұбxанАлла! Сонда мен елді алаңға шықпауға шақырсам оның қызметке қандай қатысы бар? Елдің тыныштығын ойлап отырып та жағымпаз, қорқақ, сатқын атанып қалу оп-оңай екен”, – деп жазады айтыскер.

Ол алдыңғы айтқан пікіріне қатысты сынағандарға төмендегідей жауап қайырды.

Мына нәрселерді есте сақтап, жала жаппауларыңызды сұраймын:
1. Мен жер сатуды, немесе жалға беруді ешқашан қолдаған емеспін.

2. Бұл мәселеге қатысты ақпараттарда лас саяси теxнологиялар қолданылып, xалықты қолдан дүрліктіріп жатыр.

3. Алаңға бейбіт шеруге шығуға жүз пайыз қарсымын, және одан xалықты қайтарам. Себебі, ешқашан бұндай әрекеттердің соңы xайырлы болған емес. Алаңда арандатушылар болады, олар xалықтың негізгі мақсаттан бұрып, төңкеріске, немесе қантөгіске апаратын әрекеттер жасауы мүмкін.

4. Елбасының 25 жылғы еңбегін жоққа шығару – ең үлкен әділетсіздік. 76 жастағы ақсақал еліне ешқашан жамандық ойламайды. Мәңгілік Ел болу идеясының соңы қытайға құл болу емес!

5. Мен жер сатуға һәм қытайға жалға беруге қарсылық көрсеткен барлық қандастарымды құрметтеймін! Жер үшін солай тұрып берген батыр қазақ тілі үшін де діні үшін де тұрып берсе екен деп дұға қылам! Қытайға жеріңді бермеген жақсы, бірақ қызыңды да бермесеңші!!! Азаматтықты да бермесеңші!!!

6. Елбасы мәңгі емес. Билік бейбіт түрде ауысса екен. Төңкеріспен келген басшы елге берекелі болмайды”, – дейді Балғынбек Имашев.

Ол өзінің біраздан бері еш жерже ресми түрде жұмыс істемейтінін, жұмыссыз екенін де атап өтті. 

“Мен екі-үш жылдан бері ешқандай қызметте емеспін. Ресми жұмыссызбын! “Нұр-Отан” партиясының да мүшесі емеспін! Алланың құлы, пайғамбардың (с.ғ.с) үмметі, қазақтың баласымын! Дұғада болайық, Аллаға құл болсақ, басқа ешкімге құл болмаймыз! Алла Тағаланың барлық нәрсеге күш-құдіреті жетеді!!!”, – дейді айтыскер. 


Жіберіп алмаңыз:

Имашев: Билікке қол жеткізіп алып тәкәппар, жемқор, қатыгез болып кететіндер көп

Қазақстандық жұлдыздар жер саудасына қарсылық білдірді (видео)

Ринат Зайытов: Қатар ұлтпыз бағымыз бен сорымыз (видео)

Қазақстандық жұлдыздар халықты жабайы көтерілістен сақтануға шақырды

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

19
Комментариев
  • Казак баласы says:

    Балгынбек сонда биз сен сиякты иштей жер сатуды я жалга беруди колдамай бирак уиде унсиз отыруымыз керекпе.олай истесек бул корыккандык болмаганда не?

  • Дамира says:

    Балғынбек ағаның айтқанына 100 пайыз қосыламын. Халықтың қамын ойлайтын азаматтар осындай болуы керек!

    • Анонимно says:

      Біреуге сын айту үшін ойланып барып сөйлеген дұрыс шығар. Жан жағымыздағы көршілес елдердегі жағдайды көріп отырмыз. Біз Балғынбек аға сізге қосыламыз! Еліміз тыныш, жеріміз аман халық ауызбірлігі болса екен деп тілейміз. Кей азаматтар пайдасын тигізбесе де , халыққа зиянын тигізбесе екен .Тілмен , Істеген ісімен.

  • Жұмбақ жан says:

    Сонда сіз айткан арандатушылармен ким куресуи керек.?

  • Жұмбақ жан says:

    сонда халық барлығына үнсіз мойынсал болуы керекпе

  • Жұмбақ жан says:

    Дін деп орысша вераны айтып отырса вераның аудармасы сенім

  • ұлтшыл says:

    Білғынбек бауырым сөзіңнің көбісі дұрыс. Қызыңды берме,азаматтығыңды берме дегеніңізді, анау заңды күшті шығарғыш органдарға айтыңыз. Егер қазақ қызын өзгеге бермеу керек деп заң шығарса, азаматтығымызды шетелдіктерге бермеу керек деп заң шығарса құба-құп болар еді.Бірақ қайдам…мына жақта жер дауымен халық дүрлігіп жатқанда,ауыздарына құм құйып алғандай тым-тырыс отыр ғой. Халық қалаулылары деген, халықтың қалауымен жүрмейді ме?

  • Жұмбақ жан says:

    Коркак болмау керек халыктын адамы, егер коркып, анау-мынау деп, оз-Озин актай бастаса, кудайдын урганы, сын сагатында барлык Нарсе белгили болады, кимнин ким екени.Ал енди келип анау-мынау дегеннен ундемей койган дурыс, коркаксын ба, ундеме, оз-озинди актама!!!Бари белгили болады ертели кеш.Сондыктан айтарым, сын сагатында, тарих барин орын-орнына кояды.

  • Маңғыстау баласы says:

    Уағалейкумассалам, Балғынбек !

    1-пікіріңіз ге Алла разы болсын ! Халықпен болыңыз ! Себебі : сіз халықтың адамысыз !

    2) Халық дүрлікпес үшін, елбасымыз заңдағы жер кодексінің кейбір тармақтарын халық ойлағандай, халқының жағына шешіп берсін. Ал ол, оны істемей отыр, істегісі де келмейтін сияқты. Себебі : жерді халықтың рұқсатынсыз әлдеқашан сатқан ға ұқсайды. Сондықтан, сатқан болса қайтарсын !

    3) Халық еріккеннен бейбіт шеру ге шығып жатқан жоқ. Халыққа да бейбітшілік, тыныштық керек. Ал халық көп, сондықтан көпшілікте арандату болады. Оны да шешетін, халықтың наразылығын тоқтататын тек қана елбасының бір сөзі мен жер кодексіндегі заң тармақтарын өзгертуінде.

    4) Елбасының еңбегін жоққа шығармаймыз. Істегені де көп. Бірақ, ол ақсақалдың қазақты құртқан жері де көп. 25-жылда Қазақстан бола тұра, әр қазағым қазақ тілін көк аспан ға емін-еркін самғата алмады. Көрінген шет тілінің көленкесін де жүрді. Содан әлі шыға алмай жүр, өкініштісі сол. Құлдықтан Құдайым өзі сақтасын ! “Ел болам десең – бесігіңді түзе” дегендей, ал қазір билікті түзеу керек. Биліктегілердің иманы әлсіз, иманы түгіл, өз тілін білмейтін орысқұлдар.

    5) Тек қытайға емес, ешкімге де жер берілмеуі керек. Ата-бабамыздан тегін қалған ұлан-ғайыр жерімізді шет елдегі қандастарымызды алдырып, тегін берсін. Соларды әкелсін, олар егін ексін, мал бақсын. Үкімет солар ға жағдай жасасын ! Жеріміз реттелсе, тіліміз де келеді. Алланың берген тілі оңалса, ин ша Алла дініміз де оңалар. Қытайға қыз беріп отырған ешкім жоқ, заңы жоқ еліміз де арсыз билік белең алды, биліктің арсыздығынан арсыз қыздар көбейді. Арсыз қызға тіпті ол кім болса да бәрібір. Заң қатайса, қыздарымыз әуретті жерлерін жапса, қызда кетпейді, қытайда азаматтық ала алмас. Қытайдың азаматтық алып жүргендері, біздің жемқор, парақор иманы әлсіз биліктің кесірінен. Азаматтықты қара халық үйінде отырып қолдан жасап отырған жоқ. Қара халыққа ол жайында айтуыңыздың өзі ұят !

    6) Елбасының мәңгі емесін халық жақсы біледі. Соны елбасының өзі түсіне ма ? Ойында бейбіт түрде ауысу түгілі, айқаймен де кетер түрі жоқ. Ал кімге қандай береке берерін, бір Алланың өзі біледі. Жалпы, елімнің тыныштығы, бейбіт өмір сүруін, жүрегінде иманы бар, өзін қазақ санайтын әрбір азаматың арманы !

    Жүрсін Ерман ағамызбен дос болсаңыз, қазақтың беташары тауысылмасын деп дұға да болсаңыз, жұмыстың да керегі жоқ қой. Қазағымның сал-серілерін халық асыраған ғой. Алла тағалам сізге күш-қуат берсін. Халқыңыздың аяулы ұлы болып жүре беріңіз. Сізді көтеретін билік емес, ең әуелі бір Алла, қала берді халқыңыз !

  • Аманқожа says:

    Имаш дима сені. аш бала мен тоқ бала ойнамайды диді қазақ. Халық өтіріктен запы болды қазір аш болып тұр. Əлде көзің соқыр ма Əлде кереңсің ба

  • Жұмбақ жан says:

    Балғынбек сені қазаққа жаманшылық ойлайды деп ешбір қазақ ойламайды оған қам жеме. Саған сөйлеп жүрген бір қызғаншақ қазақ болар. Оған маңыз бермеу керек. Ондайлар әдейі жасайды сондай әрекетті. Сен соған бұлқан талқан болсын деп.

1 2

Leave a Reply

Your email address will not be published.

Орташа айырбас бағамы
28.05.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар