Бүгін еліміздің басым бөлігінде күн суытады
Республиканың көп бөлігінде атмосфералық фронтальды бөліктердің өтуіне байланысты кей жерлерде жауын-шашын жауып, тұман, көктайғақ, жаяу бұрқасын мен жел күтіледі.
www.badfon.ru
Бұл туралы ҚазАқпарат хабарлайды.
Алматы облысының Жалаңашкөл ауданында желдің күші 18-23, екпіні 28 м/с болады. Ақтобе, Қостанай облыстарының кей жерлерінде тұман, көктайғақ, жаяу бұрқасын болып, жел 15-20 м/с күшейеді.
Жамбыл, Қарғанды облыстарының кей жерлерінде тұман, жел 15-20 м/с күшейеді. Батыс Қазақстан облысының кей жерлерінде тұман, көктайғақ, түнде жел 15-20 м/с күшейеді.
Шығыс Қазақстан облысының кей жерлерінде жел 15-20 м/с күшейіп, түнде және таңертең тұман болады.
Оңтүстік Қазақстан облысының кей жерлерінде жел 15-20 м/с күшейеді.
Атырау облысының кей жерлерінде тұман,көктайғақ болады. Қызылорда, Маңғыстау, Солтүстік Қазақстан облыстарының кей жерлерінде тұман байқалады.
Ақмола облысының күндіз кей жерлерінде жаяу бұрқасын күтіледі.