Азамат Тәжаяқов АҚШ түрмесіндегі жазасын өтеп шықты

Бостондағы терактіге қатысы бар деп сотталған қазақстандық студент Азамат Тәжаяқов АҚШ түрмесіндегі жазасын өтеп болды. Енді ол отанға оралуын күтуде. Бұл туралы КТК телеарнасы хабарлады.

Сурет vlast.kz

“Бүгін қазақстандық АҚШ-тағы үш жылға созылған жазасын өтеп аяқтады. Оны Кентукки штатындағы эмиграциялық Алабама түрмесіне алып келді. Ол онда депортацияға дейінгі уақытты өткізеді”, – деп хабарлады телеарна.

Тәжаяқовтың әкесінің сөзінше Қазақстан Бас прокуратурасы мен ІІД америкалық тарапқа барлық қажетті құжаттарды жеткізген. Ата-анасы осы айдың соңында ұлдары Қазақстанға оралуда деп күтуде. Азамат Тәжаяқов түрмедегі жақсы тәртібі үшін жаза уақытын 15 пайызға қысқартқан. Екінші сотталушы қазақстандық Диас Қайырбаев екі жылдан соң бостандыққа шығуы тиіс.

2013 жылы 15 сәуірде Бостонда өткен марафонда екі жарылыс орын алып, 3 адам қайтыс болып, 260 адам жарақат алған еді. АҚШ федеральдық сотының шешімімен терактіні ұйымдастырушы ресейлік Джохар Царнаев өлім жазасына кесілген еді. Оның қазақстандық таныстары Азамат Тәжаяқов пен Диас Қадырбаев тергеуге кедергі келтіргені үшін, 6 және 3 жылға бас бостандықтарынан айырылған.