Айтыскер ақын Шыңберген Сүлейменов ауыр халде ауруханада жатыр

Көптеген хит әндердің авторы, талантты сазгер, айтыскер ақын Шыңберген Сүлейменов Таразда көлік апатына ұшырап, ауыр халде ауруханада жатыр. Бұл туралы “Меломен” тобының әншісі Жігер Ауыпбаев Инстаграмдағы жеке парақшасында мәлімдеді.

“Құрметті әріптестер, достар! Алла разылығы үшін дұға жасап қойсаныздар… Айтыскер ақын, көптеген xит әндерді дүниеге алып келген Шыңберген Сүлейменов ағамыз жол апатына түсіп, ауыр xалде жатыр. Бірігіп Алладан амандығын тілеп қойсақ. Алла разы болсын баршаңызға. “Әлі алар асуыңыз, шығар шыңыңыз бар Шың аға. Алла дертіңізге шипа берсін” – деп жазды әнші.

Туыстарының айтуынша, ақын аппарат арқылы тыныс алып жатыр.

Айта кетейік, әнші, ақын, композитор, асаба Шыңберген Сүлейменов 1975 жылы 28 шілдеде Қызылорда обылысы Арал ауданы Кызылжар ауылында дүниеге келген.