Айнұр Ілиясова бал айын Үндістанда өткізіп жатыр (фото)
Айнұр Ілиясованың тұрмысқа шыққанына екі ай болды. Ол дәл қазір жодасымен бірге Үндістанда бал айын өткізіп жатыр.
Фото: instagram.com/ainur_ilyasova/?hl=ru
Бұл туралы Stan.kz хабарлайды.
Актриса жуырда тұрмысқа шығып, кино стиліндегі ерекше қызойнақ өткізген болатын. Тойларын 3 маусым күні “Қазақстан” қонақ үйінің мерекелік залында жасады. Туысқандарынан бөлек Луина, Әділ Лиян, Марат Оралғазин, Гүлнәр Силбаева, Диас Аблаев сынды достары келген. Енді міне қос ғашық Бали аралдарында демалып жатыр.
Алғашқы күні Үнді мұхитының жағалауына барып, түрлі косметологиялық процедуралар жасатқан.
“Ұзақ уақыт жол жүріп келген соң бірінші күні тек демалуды жөн көрдік. Жарты күн бойы спа салонда түрлі косметологиялық процедура жасаттық. Жергілікті сағат 19:40 болғанның өзінде ауа температурасы 27 градусты көрсетіп тұр. Бізге де керегі осы еді. Дәл қазір Үнді мұхитының жағалауында табиғаттың көркіне тамсанып, демалып отырмыз”, – дейді Айнұр Ілиясова.
Келесі күні Батуан ғибадатханасына баруды жөн көрген. Кіру үшін 20 000 рупи төлеген екен. Бұл шамамен 500 теңге болады, Жергілікті тұрғындар осылайша Құдайдың ризашылығына бөленетіндіктерін айтқан. Мұнымен қатар, Отанында жоқ жан-жануардың түр-түрін көргендігін айтады. Әсіресе, үлкен көбелек өзін қатты таң қалдырған екен.
“Осындай көбелек көргендерің бар ма?! Шынымды айтсам, түрі біраз қорқынышты, аяқтары жыбыр-жыбыр етіп, адамды аздап сескендіреді. Дегенмен, құдайдың жаратқаны тамаша-ақ! Бали аралына келсеңіздер, міндетті түрде көбелектер бағына барыңыздар”, – дейді ол.
Ал кеше жұп некелескендеріне екі ай толғанын атап өтті. Теңіз жағасында отырып романтикалық ас ішкен екен.
“Бүгін біз үшін ерекше күн! Көп нәрсе жазғым келмейді. Бар болғаны осы өміде бар болғаның үшін рахмет! Және біздің қосылуымызға тілекші болған жандарға алғысым шексіз. Бүгін жақсылап тойлаймыз!”, – дейді Айнұр Ілиясова. Қос ғашықтың қуанышын желі қолданушылары да бөлісіп, бақыт тіледі.
Жіберіп алмаңыз:
Айнұр Ілиясова долманы қалай әзірлейтінін көрсетті (видео)
Актриса Айнұр Ілиясова тұрмысқа шықпақ
Айнұр Ілиясова кино стиліндегі ерекше қызойнақ өткізді (фото)