Сәния Әділова мен оның екі баласы ескі үйде тұрады. Оның өзі туыстарына тиесілі. Анасы үй кезегіне тұрмақ болып құжат жинастыра бастаған кезде, 6 жыл бұрын көз жұмған ерінің әлі тірілер санатында екені анықталады. Бұл олқылықты жою үшін ол бірнеше мекеменің табалдырығын тоздырады. Полиция қызметі мен жедел жәрдем азаматтың өлімін растап отыр. Бірақ арнайы мекемелер сот шешемін әкелуді сұраған. Ал Сәния ханым заңгер қызметін қалтасы көтере алмайтынын айтып жатыр.

«Неге сот арқылы айдан анық нәрсені дәлелдеуім керектігін түсіне алмай отырмын. Бұған қорғаушының қандай қажеті бар? Туыстарыммен бірге әкемді осыдан 6 жыл бұрын жер қойнына тапсырдық. Қазір қорғаушылар 300 доллардан кем сұрамайды. Оны менің қалтам көтермейді. Мен шаршадым. Ол әлі күнге дейін тірілер санатында екен. Мен ХҚКО-ға бардым. Қайтыс болғаны туралы анықтаманы алмақ болдым. Маған оның тірі екендігі туралы жауап келді. Оның ертеректе қайтыс болып кеткенін дәлелдей алмай жүргеніме бір ай шамасы болды. Біз әкеммен бірге тұрмадық. Ол ағасының қолында болған еді. Яғни қайтыс болған кезінде жанында болмадық. Әкем қайтыс болған кезде жедел жәрдем де, милицияда шақырылған екен», – дейді Сәния Әділова

Келіншектің анасы көп қабатты үйдің балконынан құлап кеткен. Осының салдарынан бір жылдай төсек тартып жатып қалған екен. Ал күйеуі қалын сұрауға да келмеген.

«2002 жылы құрылыста жұмыс істеп жүріп бесінші қабаттан құладым. Бір жылдай үшінші топтағы мүгедектердің қатарын толықтырдым. Ал ол жағдайымды білуге келмеді. Мен масұл болады деп қорыққан шығар. Бірақ біз жолдасым Шаймұраттың жерлеуіне бардық. Оны жерлеу жұмыстарын ағасы мойнына алды. Бір күні құжаттарымды үйдің кезегіне тұру үшін тапсырмақ болдым. Ал марқұм күйеуіммен заң жүзінде ажыраспағанбыз», – дейді келіншектің анасы Жаңыл Әділова.

Талқылау