Аяқсыз туған қазақ баласы жүре бастады (видео)
Қазақстандық Әли Тұрғанбеков алғашқы қадамын жасап үйренді.
Бұл туралы сүйінші хабарды анасы жеткізді.
«Менің жолбарысым жүруді үйреніп жатыр. Әрдайым қуаныштың ғана көз жасы болса екен. Ең әуелі Аллаға шүкір етем. Осылай бола берсе екен деп құдайдан тілеймін», – деп жазды Әлидің анасы Ақмарал Әмреева Instagram парақшасында.
Әли анасына «менің бойым сенімен бірдей», «Інім Әмірден ұзын болдым» деп қуанып жүр. Көптен күтпен қуанышы үшін алғысы шексіз.
«Алланың жомарт жандар ақылы көмектесіп жатқанын білем. Оларға сауабы еселеніп қайтса екен. Ұлым екеуміз құдайдан ерінбей тілеуші едік. Енді ол жүре бастады», – деп жазады анасы.
Анасы баласы үшін аяқ алып жүрудің өзі қиынға түскенін айтты.
«Бұл біз үшін оңай болған жоқ. Жетістікке жететін жол оңай болмайды дейді ғой. Тек үміт үзбеу керек, ұмтылу керек, Алладан тілеу керек», – дейді Ақмарал Әмреева.
Қазақстандық «Ник Вуйчич» атанып кеткен Әли Әміровтің туа бітті екі аяғы болмаған. Алайда дәрігерлер оған протез салып, толыққанды өмір сүруіне мүмкіндік беруге болатынын айтқан.
Естеріңізге сала кетсек, Алматыда екі аяқсыз туылған қазақстандық оқушы Әли Тұрғанбек әйгілі оратор Ник Вуйчичпен кездескен еді. Сондай-ақ, ол әйгілі футболшы Диего Марадонамен футбол ойнады.
Stan.kz сайтын Telegram арқылы оқыңыз. Арнамызға жазылыңыз.