Әуе апатынан аман қалған геофизиктер құлаған ұшақтың қасында селфи жасады (фото)
Ресейде әуе апатынан аман қалған геофизиктер құлап жатқан тікұшақтың фонында суретке түсіп, селфи жасаған.
Бұл туралы НТВ хабарлайды.
Оқиға Амур облысындағы адам аяғы жетуі қиын елдімекенде болған. Бортында геофизиктер тобы бар МИ-8Т Новосібір қаласынан ұшып шығып, геодизиялық алаңқай үстімен ұшқан.
Алайда бір сәтте қатты соққан жел әсеріне тікұшақ төтеп бере алмай төмен құлдилаған.
Бақытқа орай, әуе көлігі жанып кетпеді. Сәтсіз жағдайдан аман қалған мамандар болса оқиғаға есеңгіреп қалмай, тікұшақ жанында көңілді селфилер жасаған.
Олар тіпті құтқарушы тікұшақ келемін дегенше балық аулап та үлгеріпті.
Сосын олардың барлығын жақын маңдағы ауылға жеткізген.
Олар түскен суреттер желі қолданушыларына ұнаған. Олар қатыгез ғалымдар селфи жасау үшін ұшақты әдейі құлатты деп те әзілдеген.
Оқиғаның анық-қанығын Шығыс Сібір көліктегі тергеу басқармасы тексеріп жатыр.