Атыраулық азамат 4 жыл түрмеде тура жолға түсіп намаз оқып шыққан

Сәрсенбі, 16 Қараша , 2016 18:14

Орал қаласындағы РУ-170/2 еңбекпен түзету мекемесінде ерекше оқиға орын алды. Теріс ағымның жетегінде кетіп, 7 жылға сотталған азамат мерзімінен бұрын бостандыққа шығып, туыстарын қуантты.

xlarge (1)

1988-жылы туған атыраулық Саламат Тұрғанов 2011-жылы Қылмыстық кодекстің 233-бабының 1-тармағы (терроризмді және экстремизмді насихаттау) және 233-бабының 2-тармағы (террористік топ құру, оған басшылық ету және оның қызметіне қатысу) бойынша 7 жылға сотталған, деп хабарлайды Aqmeshit.kz.

“Діннің атын жамылған, теріс көзқарастағы азаматтарға еріп, радикалды жолға түсіп кеттім, Қате жолда екенімді түрмеге түскен соң ғана түсіндім. Теологтар Құранды дұрыстап түсіндірді, бүгінде дәстүрлі мазһабты ұстанамын және бұл жолды адасқан адамдарға түсіндіргім келеді. Намаз оқығысы келетін жастар діни білімді ғаламтордан алмай, мешіттен, имамнан үйренсе, қала берді, облыстық дін істері басқармасындағы теологтардан дәріс алса, адаспайды. Мен шетелге кеткен жігіттерге ақша салғаным үшін, яғни терроризмді қаржыландырғаным үшін сотталдым.

Олар “Шетелге оқуға кеттік” деп алдап кетті, жиналған ақшаның қайда, не үшін салынғанын артынан білдік қой. Жалпы, Сирияда соғыс не үшін болып жатыр, жастар соны білсін. Түзелемін, ақиқаттың, Алланың ақ жолына түсемін деген адамға біздің қоғамда жан-жақты қолдау барын сезіндім. Теологтар исламның дұрыс жолына көзімді жеткізсе, құқық қорғау құрылымдарының қызметкерлері өз тараптарынан қатты қолдап, міне, бостандыққа үш жыл бұрын шығып отырмын”, – дейді азамат.

Саламат, әсіресе, сонау Атырау қаласынан әкесі мен ағасының әдейі келгеніне қатты қуанды. Саламаттың әкесі Мұрат ақсақал 68 жаста.

«Бес ұл, бір қызым бар. Саламат кенже ұлымыз, қолымызда тұрады. Анасы, келін, мен де намаз оқимыз. Балам қолымызда тәрбиеленді, теріс ағымға түсіп кетеді деген ойымыз болмады. Түрмеде отырған төрт жылда кездесуге келген сайын «Балам, дәстүрлі жолға түс!» деп мен де ақылымды айттым. Оралдағы дін мамандарына алғыс айтамын. Аллаға шүкір, балам қателігін түсінді», — дейді қуанышты әке.

Жіберіп алмаңыз:

Дәрігерлер қатерлі ісікті алтынмен емдеуді қолға алды

Ғалымдар адамдарға қажетті мүшені доңыздың ағзасында өсірмек

Джип көлігімен 3 адамды қағып өлтірген жүргізуші өзіне қол салды

Ақтөбеде он жастағы қыз үш сіңлісін жалғыз өзі бағып отыр (фото)

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

1
Комментариев

Пікір қалдыру


Анонимно
15 күні 17 сағат кері

Жарайсың жігіт ….

wpDiscuz
Орташа айырбас бағамы
03.12.16
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар