Атырауда қытайлық үлесі бар компания 30 гектар жерді бүлдіріп қашып кеткен

Қытайлық үлесі бар «Көлжан-Ойл» ЖШС-тің «Күмісбек» кен орнында (Құрманғазы ауданы Ганюшкино ауылынан 100 км қашықта) бітелмеген 6 ұңғыманы қалдырып, жоқ болып кеткеніне төрт жылдай болды. 2016 жылы екі ұңғымадан мұнай төгіліп, 30 гектардай жерді бүлдірген.

Қоршаған ортаға келтірілген шығын 800 млн теңгеге бағаланды. Алайда оны кімнен өндіреді? АІІБ ҚР Қылмыстық кодекстің 332-бабы («Жерді бүлдіру») бойынша қылмыстық іс қозғады, бірақ ЖШС басшыларын Алматыдағы заңды мекнжайынан әлі таба алмай отыр. Мұнай төгіндісін ауыздықтау үшін жергілікті билік «Ақ берен» ЖШС-ін жалдады, олар бұл жұмысқа 61 млн теңгедей қаржы жойды, деп жазады Ақ Жайық.

ҚР Азаматтық кодексінің 242-бабына сәйкес, иесіз жылжымайтын мүлік жергілікті атқарушы органның өтініші бойынша есепке алынады,-дейді Құрманғазы ауданы әкімінің орынбасары Жастілек ХАСАНОВ. – Біз осындай арызды ресімдедік, енді бір жыл өткеннен кейін бұл шаруашылық ауданның иелігіне өтеді. Ал «Колжан-Ойл» ЖШС басшыларын іздеу құқық қорғау органдарының міндеті болып қалады.

Тағы да оқыңыз:

Президент алты минуттық мәлімдемесінде не айтты?

Ауғанстаннан келген студент Назарбаевтан көмек сұрады (видеоүндеу)

Сот алдында жауап берген Бишімбаев өзіне қысым көрсеткен тергеушілердің атын атады