Соңғы ЖАҢАЛЫҚТАР
БАРЛЫҚ ЖАҢАЛЫҚТАР

Атырауда масаға арналған ескерткіш орнатыла ма?

Атырауда қалалық саябақтардың бірінде масаға арналған ескерткіш орнатылмақ екені мәлімденді. Алайда қала әкімінің орынбасары мұндай мәселенің қаралмағанын айтты. 

Бұл туралы Stan.kz ақпарат агенттігі ATPress.kz басылымына сілтеме жасап хабарлайды. 

Қалалық ретро-саябақты сенімгерлікпен басқару құқығына иеленген кәсіпорнынның басшысы саябақта Атыраудың символдарының бірі ретінде масаға арналған ескерткіш орнату туралы жоспарын айтты. Бұл туралы ол 3 маусымда журналистерге айтқан. 

Артынша Атырау қаласы әкімінің орынбасары Ұлықбек Тінәлиев ретро-саябақта масаға ескерткіш орнату мәселесі әкімдікте қаралмағанын мәлімдеді. 

"Қазіргі уақытта саябақ сенімгерлікпен басқаруға берілді. Алайда ескерткіштер мен кішігірім сәулет нысандарын орнату мәселелері бізбен келісілуі керек. Болашақта біз, бірінші кезекте, тұрғындардың мәдениет және демалыс орнының сәулетіне және стиліне сәйкес келетін жұмыстарды ғана қарайтын боламыз. Мысалы, домбыраның ескерткішін орнату туралы ұсыныс түсуде", - дейді әкімнің орынбасары. 

Çàãðóçêà...
Қазір оқып жатыр