Асүйге кіріп кеткен қабылан 3 жасар баланы анасының көз алдында сүйреп әкетті

Үндістанда қабылан кішкентай баланы орманға сүйреп әкетіп, басын жұлып алған.

Бұл туралы Daily Mail басылымына сілтеме жасап Stan.kz.

Оқиға мемлекеттің солтүстігіндегі Джамму және Кашмир штатында орын алған. Жыртқыш асүйге кіріп кетіп, 3 жасар Васим Акрамды сүйреп әкеткен. Мұндай сұмдық жағдай баланың анасының көз алдында орын алған. Біраз уақыттан кейін баланың бассыз денесі орманнан табылды.

Жергілікті тұрғындардың пікірінше, бұл жыртқыштың алғашқы құрбаны емес. Себебі соңғы 2 айдың ішінде қабылан тағы 2 адамды өлтірген. Олардың бірі 8 жасар бала екен. Адам жегіш жыртқышты ұстап, өлтіру үшін түгелдей бір жасақ бөлінген. Олардың бірі қабыланды көргенімен, ұстай алмағанын айтады.