Астанадағы сән апталығында біз өкше киген жігіт жұртты таңғалдырды (фото)
Қазақстанда он жетінші рет өткізіліп отырған сән апталығы да өз мәресіне жетті.
Фотолар: Болат Шайхинов.
Бұл туралы Sputnik Қазақстан хабарлайды.
Қазақстандық дизайнерлер Миланнан келген қонақтарға коллекцияларын таныстыруға мүмкіндік алды. Отандық кутурьелердің бірі жуырда Еуропа халқын таңдаулы образдарымен тәнті ететін шығар, кім білсін.
Kazakhstan Fashion Week биылғы жылы несімен таңғалдырды —фоторепортаждан тамашалаңыздар.
Қазақстандық модель Қорлан Мәдидің нәзік саусақтарына сән берген тамаша сақина-жүзіктерге қарасаң көзің тоймайды.
Мерекелік кеште сізді ешкім танымағанын қалайсыз ба? Олай болса, “ІӘ” брендінің сәнді баскиімдерін киіп көріңіз.
Мұндай сәнді көзілдірік, әсіресе, мерекелік кештерге қолайлы деп ойлаймыз: достарың мен таныстарыңды көргің келсе – әйнектерін көтеріп аласың, жұрттан оқшауланғың келсе, керісінше, түсіріп қоясың.
Бетперде, қауырсындар мен арудың иығына төгілген бұйра шаш… Бүгінгі таңда сән әлемінде ескінің қайта жаңғырып жатқанын байқаймыз.
Осы аптада тойланған Ғарышкерлер күні де назардан тыс қалмады.
Мұсылман қызының осы бір бейнесінде қарапайымдылық пен сән-салтанат үйлесім тапқан сияқты.
Міне, қазіргі заманғы қалалық жігіттердің сәнді келбеті осындай!
Қазақстандық бренд “Nailya” коллекциясын ешкім де ұмытпайтын шығар. Үстіне қысқа тон, аяғына 15 сантиметрлік біз өкше киген жігіт жиналған жұртты таңғалдырды.
Шарап түстес әдемі туфли кез келген жанның көңілінен шығар деп ойлаймыз.