Астанада жедел жәрдем көмегін шақыртуға такси пайдаланатын болды

Астанада жедел медициналық көмек шақырту қызметін көрсету үшін такси пайдаланылатын болады.

Сурет cont.ws сайтынан алынды

Бұл туралы қалалық әкімдікте өткен брифингте «Астана қаласы Денсаулық сақтау басқармасы» ММ басшысының орынбасары Иван Ли хабарлады.

«Біз Түркияда, Ыстамбұлда тәжірибені зерделедік. Онда арнайы машиналар жоқ, олар жедел жәрдемге кәдімгі жеңіл көлікті жалдайды да дәрігер немесе фельдшерді осы жеңіл көлікпен жібереді. Эксперимент тәртібінде 2 наурыздан бастап біз осы бағдарламаны енгіземіз. Қазір байқау өткіздік. 2 наурыздан бастап жеңімпазды анықтаймыз. Алғаш рет 25 көлікті – 7 жергілікті таксиді жедел жәрдемге тартамыз», – деді И. Ли.

Оның айтуынша, денсаулық сақтау басқрамасында мұндай өзгерістен кейін жедел жәрдем жұмысының көрсеткіштері жақсарады.

И. Ли сондай-ақ 1 және 2 санатты шақыртулар – бала туу, жүрек талмасы, ауыр жарақаттар мен басқа да жағдайларға қызмет көрсетуі үшін арнайы санитарлық көлік қажет. Ол барлық шақыртудың небәрі 30 пайызын ғана құрайды. Тұтастай, 871 мыңға жеткен Астана халқына қызмет көрсету үшін 90 көлік керек, ал денсаулық сақтау басқармасында олардың саны бар болғаны – 52.