Астанада шу шығарған ата-аналар жұмыстан қуылған ұстазды қайтаруды талап етуде

Сенбі, 21 Қазан , 2017 19:02

Астанада ата-аналар шу шығарды. Бір топ тұрғын Елорданың қақ ортасында орналасқан №84 мектеп-лицейдегі жұмысынан кеткен ұстазды қайтаруды талап етуде, – деп хабарлайды КТК арнасы.

Екінші сыныптың жетекшісі жалғыз оқушының анасына жақпағаны үшін жазықты болды дейді олар. Қалған 31 баланың әке-шешесі енді мұғалім мектепке оралмайынша, ұл-қыздарын сабаққа жібермейміз деп ашуға мінді.

Ашуға булыққан ата-аналар ешкімді тыңдар емес. Олар екінші сыныпта оқитын балаларын тура сабақ үстінен үйлеріне алып кетпек болды.  Айтуларынша, ұл-қыздарының сыныптасының анасы әбден мазаларын алған. Жалғыз әйелдің негізсіз арыз-шағымына шыдай алмай осымен екінші рет тәжірибелі сынып жетекшісі жұмыстан кетіпті.

Атана-аналар қанша ұмтылғанымен оқу орнының ішіне кіре алмады. Мектеп басшылары сабақ жүріп жатқандықтан шулаған келіншектерді сыныпқа да, өз балаларына да жолатқан жоқ. Ал ата-аналардың талабы жалғыз – жала мен қысымға шыдай алмай жұмыстан кеткен ұстаз Жанар Мамырованы мектепке қайтару.

“Бірінші сыныпта да Ольга Ли деген ата-ана сынып жетекшісіне түрлі шағым жазып, полиция шақырып, соңында жұмыстан қуды. Неге бір адамның айтқаны бола беру керек? Биыл қыркүйекте тағы ескі әдетіне бастады. Ұстаз баламды ұрды-соқты деп шықты. Бір де дәлелі жоқ. Рас болса, неге сотқа бермейді?” – дейді Астана қаласының тұрғыны Баян Борисова.

Жалғыз әйелдің  екі жылдан бері мектептің берекесін қашырғанын оқу орнының басшылары да мойындап отыр. Бірақ қолдарынан келер шара жоқ. Лидің қорлығына шыдамаған екінші сынып жетекшісі Жанар Мамырова бүгін жұмыстан кетіпті. 42 жастағы ұстаздың тәжірибесі де мол еді дейді әріптестері.

“Мұғалім сыныпта қалғысы келмейді. Ол кісінің талабы бойныша, бір оқушы сыныптан кетпейінше ол кісі оралмайды. Бізде заң бойынша баланы ол сыныптан алып тастай алмаймыз. Түсініп тұрсыздар ғой… Сондықтан бала да, мұғалім де сол сыныпта қалуға тиісті. Бірақ мұғалім келіспейді”, – дейді №84 мектеп-лицей директорының орынбасары Гүлнұр Омариева.

Ата-аналар да мұнымен шектелмейді. Олар дүйсенбі балаларын сабаққа жібермейміз деп отыр. “Дүйсенбі балаларды мектепке жібермейміз. Себебі басқа жолмен бұл мәселе шешілмей тұр. Ұстазымызды қайтарамыз. Оған жала жабылды. Бір әйелдің тентектігінен бала ғана емес, айыпсыз мұғалімнің де құқығы тапталуда”, – дейді Астана қаласының тұрғыны Айнұр Мырзахметова.

Екі аптада екі рет ұстазды ауыстырған балалардың сабағы да нашарлап кетіпті. Мектептегі дау бойынша Астана қаласындағы Білім басқармасынан  арнайы комиссия келіп, кеше жиын өткізген екен. Оған Ольга Лидің өзі келмепті. Ал шенеуніктер түк шешіп бермейді дейді ата-аналар. Енді наразы топ Білім министрлігіне арыз жазбақ.


Жіберіп алмаңыз:

Алматыда Сейфуллин және Абылай хан даңғылдары бір бағытты болып өзгермек

21 қазанға арналған ауа райы болжамы

Трансгендер жақын достарының 10 жасар қызын зорлап тастаған

Әйел бет тазарту процедурасынан кейін көз жұмды

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
22.11.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар