Астанада президенттердің мүсіні бар ерекше көрме ашылды (фото)
Астанада саяси тұлғалар, Голливуд жұлдыздары мен танымал фильмдердің кейіпкерлері жиналды. Олардың барлығы балауыз мүсіндер көрмесінде тұр. Бұл туралы КТК хабарлайды.
Суреттер Astana.gov.kz
Санкт-Петербургтың шеберлері 40-тан астам экспонаттарын көрсетті. Олармен қатар қазақстандық маман Айдос Есмағамбетов те өз жұмыстарын таныстырды. Нұрсұлтан Назарбаев пен Барак Обама бейнесін осы Айдос қашап шыққан. Олардың қасында Ресей президенті Владимир Путин де орналасқан. Сондай-ақ, бұл арадан Брэд Питт, Анджелина Джоли, футболшы Пеле секілді танымалдарды да байқауға болады.
Бір мүсінді жасауға 15 маман жұмылдырылып, ол толықтай бір жыл уақытты алады екен.
“Бұл кез-келген адам үшін, балаға да, үлкенге де қызық. Осы жолы біз 40 экспонатты әкелдік. Біздің көзқарасымыз бойынша, барлығы да қызықты персонаждар”, – дейді балауыз мүсіндер көрмесінің админстраторы Раиса Путилина.
Көрме келушілер үшін 13 шілде мен 21 тамыз аралығында сағат 10-нан бастап кешкі 8-ге дейін ашық.