Астана әкімі қаладағы түнгі клубтарды 23.00-ден кейін жаптырмақ
Астана әкімдігі түнгі уақытта жұмыс істейтін ойын-сауық орындарының жұмыс уақытына шектеу қойды.
Бұл туралы Астана әкімі Әсет Исекеше мәлім етті.
«Біз бұл мәселені талқыладық, тұрғын үйлерде орналасқан аталған орындардың жұмысына түнгі он бірден кейін тыйым салу мәселесін мәслихатқа енгізуді көздеп отырмыз», – дейді Исекешев.
«Бұл мәселені мәслихат деңгейінде шешу қажет, егер болмай жатса, заңнамаға түзету енгізуді өтінеміз. Тұрғындардың құқықтары – бірінші кезектегі мәселе. Сондықтан бұл жерде (түнгі уақытта жұмыс істейтін ойын-сауық орындарына қатысты – Ред.) шараларды қатайту мүмкіндігін қарастыру қажет. Бірінші рет – айыппұл, екінші рет – айыппұл сомасы көбірек, үшінші рет – қызметіне тыйым салу. Бізге бұл бағытта заңнамалық түрдегі жұмысты пысықтау қажет», – деп қорытындылады Астана әкімі.
Жіберіп алмаңыз:
Универсиада кезінде ауыр жарақат алған спортшылар ауруханаға тікұшақпен жеткізіледі
ШҚО-да дәмханаларда аспаз болған жас жігіт өзінің жеке тамақтану орындарын ашты
ОҚО-да ер адам Дулат руынан шыққан қазақтар жайлы пікірі үшін сотталып кетті
Әлемдегі ең жас ана: 5 жасында сәбиін өмірге әкелген қыздың тағдыры (фото)