Соңғы жаңалықтар
Соңғы жаңалықтар

Ашынған мұғалім оқулықтағы былықтарды жайып салды (видео)

Мектеп оқулықтарына қатысты дау басылар емес. Бұл жолы білім ұясының қызметкері ондағы былықтарды жария етті.

Өзін мектеп қызметкері деп таныстырған әйел азаматы 7 сынып оқулығындағы олқылықтарды видеоға түсіріп, көпшілікпен бөлісті. Мәселен, гегорафия пәнінің кітабы 31-ші беттен басталса, биология пәнінің оқулығы екі тілде жазылған. Ал келесі бір кітап тіптен терісінен басылған.

«Бұл кітап биыл келген. Отыз бірінші беттен басталған, бірінші бет жоқ. Өліп талып зорға жеткен жаңа оқулық мынандай халде. Биология да биыл келген оқулық. Мектеп баспасы. Теріс беті, мынаны қараңыздар. Биология кітабында жергілікті аймақтың қызыл кітапқа енген жануарлар делінген. 32-ші бет қазақша, 33-ші беттен 64-ші бетке дейін орыс тілінде жазылған. Қазақ мектебінің оқулығы осындай халде» деп ашынды мұғалім.

Бұл видеоны көрген желі қолданушылары еліміздің бас мұғалімі, яғни білім және ғылым министрінен бұл жағдайға қатысты түсінік беруді талап етіп отыр.

Оқи отырыңыз:

Зайсанды қар басып қалды (видео)

Жамбыл облысында алаяқ әйел жүзге жуық адамның үстінен несие рәсімдеп тастаған

Оралда кондуктор 10 теңге үшін оқушыны аялдамадан түсірмей қойған

Қостанайлық полицейлер 10 жасар баланы анасының рұқсатынсыз көлікке отырғызып әкеткен

Талқылау