Аш әрі жалаңаш: Алматыда полиция қызметкерлері апатты жағдайдағы үйден 3 жасар балаларды тауып алды (фото)
Алматыда ювеналды полиция инспекторлары жасөспірімдер ісі жөніндегі комиссия мүшелерімен бірге апатты жағдайдағы үйден 3 жасар балаларды тауып алды, деп хабарлайды Алматы ІІД жергілікті полиция баспасөз қызметіне сілтеме жасап Stan.kz.
Сурет: Алматы ІІД жергілікті полиция қызметі
Үйде ұл және қыз балалар 40 жастағы әкелерінің жанында ойнап отырған. Ішімдіктен қатты масайған әкелері кереуетте ұйықтап жатыр.
Бұл уақытта балалардың 41 жастағы анасы жұмыста болған.
«Үйдің іші лас. Бөтелкелер мен қоқыс шашылып жатыр. балалар аш-жалаңаш жүр. Киімдері кір. Ата-аналарының өз балаларына деген немқұрайлылығы қайран қалдырды. Оларды қараусыз қалдырған, Сырттай қарағанда, балалар дені сау. Екеуі де үш жаста. Балабақшаға бармайды», – дейді Алматы қалалық ІІД ІІД жергілікті полиция қызметі ювеналды полиция бөлімінің басшысы Лейла Әліпбаева.
Балалар өмірлері мен денсаулықтарына қауіп төндіретін қиын жағдайда қалғандықтан, кәмелет жасқа толмағандарға арналған бейімдеу орталығына жіберілді.
Балалардың отбасы жағдайы төмен ретінде тіркелді.
Ал балалардың ата-анасы жағдайларын түзеуге уәде берді. Керісінше жағдайда, олар ата-ана құқығынан айырылады.
Оқи отырыңыз:
Өскеменде әйел өзінен жыныстық қатынасқа түсуін талап еткен күйеуін өлтіріп тастады
Шымкентте мешітке намаз оқу үшін емес, ұрлық жасау үшін баратын 5 азамат ұсталды
Қайын атасы пышақтап өлтірген келіншек бүгін жер қойнына тапсырылды