Әнші Жеменей де әріптестерінен қалмаудың қамына кірісті
Өзге әріптестерінен қалыспай Ақылбек Жеменей де инстаграмдағы парақшасында байқау ұйымдастырды. Байқау жеңімпазына Iphone5/6 телефондарын ұсынбақ.
Бұл туралы Stan.kz хабарлайды.
Әнші Ақылбек Жеменей инстаграмдағы парақшасында байқау ұйымдастырып, Iphone5/6 телефондарын ойнатып жатыр. Мұнымен қатар, жеңімпазға жеке ән кешіне билет бермек.
Байқауға қатысу үшін бірнеше шартты орындау қажет. Қазақ радиосында Ақылбек Жеменей бір әнінің үзідісі беріледі. Үзіндіде ән соңынан басына қарай ойналады. Осындай бес үзінді бес күн бойы беріледі. Бес күн бойы әндерді тыңдап, бірінші болып Қазақ радиосына хабарласып дұрыс атаған адам жеңімпаз атанады.
Сайыс әділ өту үшін ән үзінділері Қазақ радиосында ән туралы бағдарлама алдында беріледі. Бұл шарт бес күн бойы сақталады. Мұнымен қатар, ән үзіндісі радиомен бір уақытта Ақылбек Жеменейдің аккаунтына салынады да, қатар алынып отырады.
Бес күнге жалғасатын байқаудың қорытындысы сәуір айының төртінші жұлдызында белгілі болмақ.
Естеріңізге сала кетсек, Ақылбек Жеменейдің МС Сайлаубекке киім алып бергені туралы хабарлаған болатынбыз.