Анасының құрсағында жатып “Үміт қолы” деген сурет арқылы әлемге танылған баланың бүгіні (фото)
1999 жылы керемет тарихи оқиға мен соның сурет дәлелі бүкіл әлемді кезіп, ерекше әсерге бөледі. УЗИ анықтамасы кезінде, АҚШ тұрғынының омыртқасы зақымданған жүре алмайтын, отыра алмайтын қиын жағдайдағы сәбиге жүкті екені анықталған.
Бұл туралы bigpicture.ru хабарлайды.
Хирургтарға аса күрделі операцияны жасауға тура келді. Дәрігерлер әлі ана құрсағында жатқан нәрестенің омыртқасындағы кемістікті жоюға талпынды.
Тәуекелмен жасалған операция бақытқа орай сәтті өтті. Кенеттен операцияның соңғы жағында сәбидің қолы шыға келді. Құдды оның қолы дәрігерден көмек сұрағандай еді. Бұл ерекше жан тебірентетін сәт операцияға қатысқан фотографтың нысанасына ілініп, бүкіл әлемді шарлап кетті. Осылайша “Үміт қолы” деген сурет бар әлемге танымал болды.
Сәтті жасалған отадан соң Сэмюэль Александер Армас 1999 жылы 2 желтоқсанда дүниеге келді.
Бүгінде оның жасы 16-да. Омыртқасына қатысты қойылған бірқатар шектеулерге қарамастан, оған өмір сыйлаған хирургтардың арқасында бақытты өмір сүріп жатыр деп айтуға болады.
Сэмюэль спортпен айналысқанды жақсы көреді. Тіпті баскетболдан өзінің алғашқы жүлдесіне де қол жеткізген.