Анасы Ернар Айдарды биылдан қалдырмай үйлендірмек
Әншінің анасы биыл ұлын үйлендіргісі келетінін айтты. Мұнымен қатар, болашақ келініне қойылатын “талаптары” туралы баяндады.
Фото: instagram.com/ernar_aidar_official/?hl=ru
Бұл туралы Stan.kz Астана арнасының “Аналар” бағдарламасына сілтеме жасап хабарлайды.
Ернар Айдар көпбалалы отбасының кенжесі. Өзінің алдындағы үш ағасы үйленіп, шаңырақ көтерген. Тоғыз немере тәрбиелеп отырған анасы енді Ернар Айдарды үйлендіргісі келетінін айтады. Тіпті, биылдан қалдырмасақ деген ниеті бар.
“Ернарымның үйленетін уақыты келді. Оның үйленгенін асыға күтіп жүрмін. Келінді де күтіп жүрміз. Биыл, бұйырса, үйлен деп отырмын. Өзінің алдында үш ағасы мен үш жеңгесі бар. Ерош келе жатыр десем болғаны, келіндерім “Ақжігіт келді” деп сүйікті тамағын дайындап, мол дастарханын жайып қояды”, – дейді анасы.
Анасы көкейінде жүрген жалғыз арманымен бөлісіп қана қоймай, болашақ келініне құлаққағыс етті. Баласының ерке мінезі мен сүйікті тағамдары туралы толығырақ айтып берді.
“Ернардың ең сүйікті тағамы – мәнті. Қойдың құйрық майын қолдан турап, әдемілеп жасап беремін. Сұйық тамақты онша ұнатпайды. Мұны болашақ келінім де біліп, байқап жүрсе екен деймін.
Үш келінім де өзімнің ойымдағыдай болып түсті. Қатал болатын кезде қаталдық танытамын. Кемшіліктері болса, бірден айтамын. Келіндеріме де, қыздарыма да барған жерде қалай сіңісу керектігін, ата-енеге қалай қарау керектігін айтып отырамын”, – дейді анасы.
Ал әншінің өзі жуырда отбасын құрмаса да, ата-анасының берген тәрбиесін ақтау үшін барлығын жасайтынын айтып өтті.
Жіберіп алмаңыз:
Әйеліне ерегіскен кувейттік бірден төрт қызға үйленді(фото, видео)
Белгілі түрік актері Кенан Имирзалыоғлы үйленді (фото)