Америка түрмесінде жазасын өтеп шыққан Азамат Тәжияқов елге оралды

Бейсенбі, 16 Маусым , 2016 22:43

Америка түрмесінде отырған қазақ студенті аман-есен елге оралды. АҚШ-та лаңкестік оқиғаға қатысты айыпталып, 3 жарым жылға сотталған Азамат Тәжияқов жаза мерзімін толық өтеген. Сондықтан жас жігіт бостандыққа шығып, бүгін таңсәріде Алматыға ұшып келді. Ұзақ уақыттан бері ата-анасы мен туыстарынан жырақтап қалған жерлесімізді туыстары мен достары тойлата күтіп алды,-деп жазды КТК арнасы.

түрме1

Азамат Тәжияқов мінген ұшақ Алматы әуежайына таңғы сағат 5:30- да қонды. Жат жерде жазықты болып, түрмеге тоғытылған ұлдарын қарсы алуға ата-анасы мен туыстары тайлы-тұяғы қалмай түгел келген. Бірнеше жылдан кейін туған жерге табаны алғаш тиген Азамат ұшақтан түсе салысымен ағайындарымен арқа-жарқа құшақтасып, ақтан дәм татты. 2013 жылдан бері АҚШ-та қамауда болған ол басына үйірілген қара бұлттың сейілгенін енді ғана сезінгендей.
«Қазір жүрегім тоқтап қалардай болып тұр. Қатты соғып жатыр. Қуанышымда шек жоқ. Келіп күтіп алғандарыңызға рахмет. Әкеме қоңырау шалып жағдайымды біліп тұрғандарыңызға рахмет. 3,5 жыл болды Қазақстанда болмағаныма. Ет жеп демалып, қымыз ішіп жатқым келеді»,-дейді Азамат Тәжияқов.

АҚШ-қа білім аламын деп барып, басы бәлеге қалған ұлымен қайта қауышқан ата-ананың да қуанышында шек жоқ. Себебі олар 3 жыл бойы күндіз күлкіден, түнде ұйқыдан айырған көкейдегі кірбіңнен арылып отыр. Сондықтан Әмір Ысмағұлов баласының тілеуін тілеген барша халыққа алғыс айтып, ағынан жарылды.

«Біздің отбасы үшін бүгін ең бақытты күн. Мен президент Нұрсұлтан Назарбаевқа үлкен рахмет айтқым келеді. Өйткені балалар 25 жыл алуы мүмкін еді. Содан кейін Бас прокуратураға, Сыртқы істер министрлігіне рахмет айтқым келеді. Және қазақ халқына рахметімді айтамын»,-деді Азаматтың әкесі Әмір Ысмағұлов.

Азамат Тәжияқов түрмеде текке жатпай тіл меңгерген екен. Яғни ағылшыннан бөлек испан, қытай тілдерін үйренген. Сондықтан алдағы уақытта білімін сол Қытайда жетілдіруі мүмкін. Себебі мұхиттың арғы бетіне енді қайтып бара алмайды.

«Ол 2 жыл оқуын оқыды. Бірақ енді ол Америкада оқымайды. Ол басқа жақта оқиды»,- деді Азаматтың әкесі Әмір Ысмағұлов.
2013 жылдың сәуірінде Бостондағы марафон кезінде жарылыс болып, 4 адам қаза тапқан. Лаңкестік әрекетті ұйымдастырған ағайынды Царнаевтардың үлкені Тамерлан құрықтау шарасы кезінде өлсе, кішісі Жохарды АҚШ соты оны өлім жазасына кесті. Ал екі қазақ студенті – Азамат Тәжияқов пен Диас Қадырбав осы кіші Царнаевқа көмектесті деген айыппен жазаға тартылған болатын.

Қазір Америка түрмесінде тағы бір отандасымыз жазасын өтеп жатыр. Диас Қадырбаев та Бостондағы оқиғаға қатысты терроризм бабы бойынша айыпталып, 6 жылға бас бостандығынан айырылған болатын. Сондықтан ол енді 2 жылдан кейін елге оралмақ. Ал жазадан толық құтылған Азамат Тәжияқов бүгін түнде туған жері Атырау облысына жол таратады. Себебі ол үшін 3 жарым жылдан аса уақытқа созылған азапты күндер осымен аяқталды.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

3
Комментариев
  • Анонимно says:

    Елге аман есен оралуынмен бауырым, ата-ананнын козайымына кенелуинмен. Туыстарыннын куанышына ортакпын. Аман бол казак баласы, аман болындар сыртта журген бауырларымыз. Аман есен елге оралындар, бале жаледен аулак кылсын Алла тагалам!!!

  • Жұмбақ жан says:

    Америкада жаудиреп отырган барша ул-кыздарымыз тугелдей аман -есен оралсын ! Азамат баламнын акеси де -Азамат екен! Аке болсан осындай болсын! Куаныштарыныз узагынан болсы, жерлестер ! Анасы ширкин кайта толгатып -кайта туып жатыр ау ? Ал менин кулыным турмеге жазыксыз тус-озиме кайтып оралмады ?

  • Жұмбақ жан says:

    Аман-есен елге оралуыңмен, Азамат! Шын мәнінде сендерді уайымдадық! Енді Диас аман сау елге оралса екен. Ендиги жерде аяқтарыңды аңдап басыңдар! Алла жар болсын! Ата-аналарың осы 3 жыл ішінде өліп тірілді, енді тек жақсылыктарыңды көрсетіңдер ата-аналарыңа.

Leave a Reply

Your email address will not be published.

Орташа айырбас бағамы
30.05.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар