Алматылық азамат жарты жылда 50 келі салмақ тастаған (фото)
Алматыдағы дүкендер желісінің иесі Константин Пименов КТК арнасының”Наша правда” ток-шоуында жарты жылда қалайша 50 келіге арықтағанын айтып берді.
Кәсіпкердің арықтауына ең бірінші әлеуметтік желіде берген уәдесі себеп болған. Өзінің айтуынша, Facebook желісіндегі пікірлер оның өзін ұстауына себепші болыпты. Одан бөлек ол желідегі виртуалды досымен 2 мың долларға бәстеседі.
“Мен айналамдағылардың пікірімен санасатын адам екенмін”, – деп мойындады Константин.
Ол 3 айда 35 келіге арықтаған.
Кәсіпкер тамақ жеуді азайтып, тек аздан ғана тамақтанып отырған. Бірақ ешқандай тағамнан тыйылмаған.
“Салмақ тастау – ағза үшін күйзеліс. Ал, өзіңе ұнамайтын тамақ жеу – мүлде ауыр. Сондықтан мен еш тамақтан бас тартқан жоқпын. Шұжықты да, кәмпитті де аздан жей бердім”, – дейді Константин.
“Спортпен бірден шамадан тыс көп айналысу да зиян. Менің қателігім де сол болды. Күніне 2-3 рет залда жаттықтым. Жаттығудан соң шаршап, тамақтануға тәбетім тартып тұрды. Спортпен кейіннен бұлшықеттерді қатайту үшін айналысу керек”, – дейді ол “Комсомольская правда” басылымына берген сұхбатында.
Константин өзін бұрынғы қалыбымен де жақсы көрген. Бірақ, қазіргі келбеті өзіне көбірек ұнайды екен.
Фото: Instagram
Жіберіп алмаңыз:
Австралиялық қыз өз суретін Фейсбуктен көргеннен кейін 42 келіге арықтады (фото)
Салмағы 150 келі болатын 11 жасар қытайлық оттың көмегімен арықтауға тырысуда (фото)
Ләйлә Сұлтанқызы: Дәрінің емес, скотчтың арқасында арықтадым