Алматыдағы барахолка тағы да өртенді (видео)
Алматыдағы барахолкада өрт шықты. Белгілі болғандай, «Самал» базарындағы сауда нүктелерін қызыл жалын шарпыған, деп хабарлайды ТЖД баспасөз қызметіне сілтеме жасап Stan.kz.
Қалалық ТЖД-ға сауда нүктелерінің өртке оранғаны туралы қоңырау сағат 13:03-те түскен. Өрт сөндірушілердің алғашқы легі оқиға орнына сағат 13:16-да жетті.
Қызыл жалын сағат 14:01-де ауыздықталып, 14: 18-де толықтай сөндірілді. Тілсіз жау 150 шаршы метр аумақты шарпыған.
Өртті сөндіруге 63 өрт сөндіруші мен 17 техника жұмылдырылды.
Өрт салдарынан көз жұмғандар мен зардап шеккендер жоқ.
Посмотреть эту публикацию в Instagram
Еске сала кетсек, биылғы жылдың қараша айының басында барахолкада өрт шығып, саудагерлердің тауарлары түгі қалмай жанып кеткен еді.
Stan.kz сайтын Telegram арқылы оқыңыз. Арнамызға жазылыңыз.
Талқылау