Алматыда жүргізуші есірткі шегіп алып, көлік айдаған
Алматыда есірткі шегіп алып, көлік айдаған жүргізушіге қатысты сот үкімі шықты. Оқиға өткен сенбіде болған. Жол сақшылары Гагарин мен Ходжанов көшелерінің қиылысында қозғалысы күдік туғызған «Субару» көлігін тоқтатқан.
Сурет: ngs55.ru
Бұл туралы қалалық соттың баспасөз қызметі хабарлады.
Тексеріс кезінде жүргізуші Р.Әбдуғалиевтің жүргізуші куәлігі болмағаны анықталған. Жүргізілген медициналық сараптама нәтижесінде оның есірткі пайдаланғаны белгілі болды.
Алматы әкімшілік істер бойынша мамандандырылған ауданаралық соты күдіктіні ҚР ӘқК 608-бабы бойынша айыпты деп тауып, 20 тәулікке қамауға алуға шешім шығарды.
Талқылау