Алматыда жылу құбыры жарылып, көшені қайнаған су басып қалды
Алматының бір көшесін қайнаған су басып қалды. Қазыбек би мен Қалдаяқов көшелерінің қиылысындағы жылу құбыры жарылып, көшені буы бұрқыраған ыстық су басқан.
Бұл туралы Алматы телеарнасы хабарлайды.
Әзірге зардап шеккендер туралы нақты ақпарат жоқ. Бұқаралық ақпарат құралдарының мәліметінше, оқыс оқиға орын алған жерде 10-ға жуық маман құбырды жабу үшін жұмыс жасап жатыр. Құбырдың жырығы 500 мм-ді құрайды. Жауаптылардың мәліметінше, жарылған құбырдың тозығы жеткен. Қазір 6 әкімшілік ғимарат пен 1 тұрғын үй жылудан ажыратылған.
Талқылау