“Біз күн сайын бақылаймыз. Көпшіліктің қоятын негізгі сұрағы жол жүру билеттерінің жойылуы туралы. Бұл маңызды мәселе. Біз нарықтың көлемін анықтау үшін уақыт сұрадық. Оған дейін ол ашық әрі түсініксіз болды: белгілі бір шығындары бар ма, белгілі бір табыстара бар ма, ақша қайда кетіп жатыр. Бүгін нарық көлемінің шамамен 19-20 миллиард теңге екенін біліп отырмыз. Яғни 6-7 миллиард теңгені біз жасырын экономикадан шығарамыз. Сондықтан әкімдікке көптеген өтініш жазған халықтың пікірін есепке ала отырып, есептедік, фракция ұсыныс жасады, меніңше, ертең мәслихатта депутаттар қолдаса біз жол жүру билеттерін қайта қалпына келтіру туралы шешім шығарамыз”, – деп атап өтті Байбек.

“Жеті жасқан дейінгі балалар тегін, мектеп қабырғасындағы балалар 1000 теңгемен, зейнеткерлер 2000 теңгемен жүреді. Бұл категорияда көпбалалы аналар болмады, 50 пайыз жеңілдік беріледі, бұл жергілікті бюджеттен субсидияланады, оған көпбалалы аналардың 2000 теңгесін және студенттердің 3000 теңгесін қосамыз. Ең бастысы – біз мүмкіндігі шектеулі жандарды мүлдем қоспадық. Сонда 1-2 топтағы мүгедектер, ҰОС ардагерлері және олармен теңестірілген адамдар қалада тегін жүре алады. Бұл үшін жергілікті бюджеттен қыруар қаражат жұмсалады. Біз бүгін екі миллиард теңгеге субсидиялаймыз. Оларды бюджетке сала тұрамыз. Сосын, табыстың өсуіне байланысты көре жатармыз”, – деді әкім.

Қалада 11 қаңтардан бастап қолма-қол төлеу жүйесі алынып, «Оңай» жүйесі енгізілген еді. Жүргізушіге жол ақысын ақшамен төлеген жолаушы да, жүргізуші де айыппұл төлемек.

Талқылау