Алматыда жоғалған қыздың табылғаны туралы ақпарат өтірік болып шықты
Бүгін түс ауа әлеуметтік желілерде 20 жасар студенттің табылғаны туралы ақпарат тараған. Алайда бұл мәлімет жалған болып шықты.
Бұл туралы STAN.KZ КТК арнасына сілтеме жасап хабарлайды.
Бірақ іздестіру тобы мен туыстарының қуанышы ұзаққа созылмады. Себебі Айзада Авлатарованың табылғаны туралы ақпарат расталмаған. Сондықтан еріктілер тобы іздестіру жұмыстарын ертең тағы да жалғастырады. Қазірдің өзінде жүзден астам адам жол талғамайтын көліктермен Іле өзенінің сағасын, қойшылардың қыстаулары мен 40-шақты елді-мекенді кезіп шығыпты. Тіпті қолдарында Айзаданы ұралған азаматтың суреті де бар. Бірақ соған қарамастан 20 жасар бойжеткеннің нақты қайда екенін анықтау мүмкін болмай тұр. Айзада Авлатарова үшінші желтоқсан күні Жетіген ауылынан таксиге мініп, Өтеген батыр кентіне беттеген болатын. Содан бері ол қызбен байланыс жоқ.
“Біздегі мәлімет бойынша қыз тірі. Оны ұрлап әкеткен азамат өзімен бірге алып жүрген көрінеді. Күдіктінің бұрын сотталған, араққа құмар екені туралы мәлімет бар”, – дейді іздестіру тобының мүшесі Константин Авершин.