Алматыда жаяу жүргіншілер өткелінде зейнеткерді көлік қағып кетті
Алматы қаласында Toyota Prado маркалы көлік жүргізушісі жаяу жүргіншілер өткелінен өтіп бара жатқан зейнеткерді абайсызда қағып өлтірді, деп жазады Stan.kz ақпараттық агенттігі ҚазАқпарат-қа сілтеп.
Оқиға Хмельницкий көшесіне жетпей Майлин көшесінің бойында орын алды. Куәгерлердің сөзіне қарағанда, Майлин көшесімен оңтүстік бағытта келе жатқан Toyota Prado көлігі 76 жастағы егде жастағы әйелді жаяу жүргіншілер жолағынан өткізіп жіберу үшін тоқтаған.
Алайда, оның артында келе жатқан жүк көлігі уақытында тоқтап үлгермей, алдындағы автокөлікке барып соғылған. Нәтижесінде, Prado маркалы көлік бар күшімен зейнеткерді қағып кетті. Қатты соққыдан зейнеткер тіпті бірнеше метрге ұшып кетіп, сол жерде көз жұмды.
Stan.kz сайтын Telegram арқылы оқыңыз. Арнамызға жазылыңыз.
Талқылау