Алматыда жүріп бара жатқан автобустан жолаушы ұшып түсті
Алматыда жолаушы жүріп бара жатқан автобустан құлап түсті. Оқыс оқиғаны жүргізушілердің бірі бейнетіркегішке түсіріп алып, ғаламторға салған.
Қалалық ІІД баспасөз қызметі хабарлағандай, 30 қараша күні №86 автобус Сүйінбай көшесімен солтүстікке бағыт алып келе жатқанда «Гелиос» жанармай құю стансасының маңында оның есігінен ер адам құлап түскен.
«Аталған дерек Жетісу аудандық ІІБ-да тексеріліп жатыр. Жапа шеккен адам ауруханада. Тергеу барысында оқиғаның жай-жапсары анықталады. Жолаушыны біреу автобустан итеріп шығарып жіберуі де мүмкін», – деді ІІД ресми өкілі Салтанат Әзірбек.
Талқылау