Алматыда жүк тасушылар ақылы түрде адамдарды арбамен судан өткізіп жүр (видео)

Алматыда толассыз жауған жаңбыр кейбіреулерге залалын тигізіп жатса, кейбіреулер пайданың көзін тауып алды. «Алматы-1» вокзалында жүк тасушылар «телегей теңізге» айналған жолдан жолаушыларды арбамен тасып жүр.

#алматы #такси

Видео опубликовано insta_azil (@insta_azil) Май 18 2016 в 10:25 PDT

Бұл видео Instagram парақшасының insta_azil парақшасында жарияланды

Олар адамдарды бір бағытқа жеткізгені үшін 200 теңге алып отыр. Айта кету керек, оңтүстік астанада 3 күн қатарынан жауын жауып тұр. Соңғы екі аптада түскен жауын-шашын көлемі қалыпты нормадан асып кетті.
Салдарынан бірнеше жекеменшік үйді су алып, таудағы 30-ға жуық аймақта лай көшті.
Тіпті, метроның «Жібек жолы» стансасының вестибюлін де су алды.
Ауа райын болжаушылардың айтуынша, жаңбырлы ауа райы аптаның соңына дейін жалғасады.
Қалалық ТЖД тұрғындарға қауіпсіздік шараларын сақтауды ескертті.