Алматыда ұрланған қалыңдық шағымданудан бас тартты
Алматыда колледжден ұрланған қыз үйіне оралды. Полицейлер қыздың жоғалғандығы жайлы хабар түсе салысымен іздестіру жұмыстары басталды.
Нәтижесінде, қалыңды алып кеткен көлік анықталды. Қалада қылмыскерлерді ұстау үшін бірден “Жедел ұстау” жоспары ұйымдастырылды. Баспасөз қызметінің хабарлауынша, Бостандық ауданының ІІБ-ның бөлім полициясы және Ұйымдасқан қылмысқа қарсы күрес басқарма қызметкерлердің көмегімен қылмыскерлердің мекен-жайы анықталған. Полиция күдіктінің туыстарымен бірге жұмыс істеп, олардан қызды өз еркімен босатуға жігітті көндіру сұраған. Сөйтіп, 13 қараша күні таңертең қыз үйіне оралды.
-“Қыз полицейлерге күдіктінің үстінен шағымданудан бас тартты. Қазір полицияның тергеу бөлімдері қылмыстық іс шеңберінде тиісті шараларды жүргізуді жалғастырып жатыр. ҚР ҚК 125-бабы бойынша, күдікті ұрланған адамды өз еркімен босатса және оның әрекеттерінде өзге қылмыс болмаса, ол қылмыстық жауапкершіліктен босатылады”, – деді баспасөз қызметінің басшысы Салтанат Әзірбек.