Алматыда полицейлер жантүршігерлік жол апатын жасады

Бейсенбі, 14 Сәуір , 2016 21:24

Алматыда ережені өрескел бұзған тәртіп сақшыларының өзі жантүршігерлік жол апатына себепкер болды. Автобустың арнайы жолағымен қарсы бағытта жүйткіген БМВ жолындағысын түгел жайпап, екі адамды қағып өлтірген. Соққының қатты болғаны соншалық, тіпті қаза тапқандардың дене мүшелерін жан-жақтан жинап алуға тура келді,-деп хабарлайды ктк арнасы.

полиция

Ал тізгінде болған полицей бірден тергеу қапасына қамалды.Жангелдин көшесімен жүйткіген БМВ дәл осы маңда апатқа ұшыраған. Яғни қоғамдық көліктерге арналған қарама-қарсы бағыттағы жолмен зымырап келіп, жиекте тұрған екі адамды жайпап өтіпті. Ары қарай тағы бірнеше көлікке соғылып әзер тоқтаған. Жол шетінде тұрғандардың ауыр соққыдан дене мүшелері жан жаққа шашылып кеткен. Тіпті аяқ-қолдары ағашқа ілініп қалыпты. Сақшылар бөлшектенген денелерді әр жерден жинап алды.

«Бір әйел тұрған. Бір кезде қатты соққының даусын естідім. Жүгіріп барсам әйел жоқ. Көмектескім келген ғой. Бір қарасам арықта жатыр. Алғашында маникен деп ойладым. Тыржалаңаш. Аяғы жоқ. Бір аяғы талға ілініп тұрды»,-деп баяндайды оқиға куәгері.

Қаза тапқандардың бірі әйел, екіншісі ер кісі. Анасын жоқтап жылаған марқұмның ұл-қыздарын тәртіп сақшылары сабырға шақыра алмай біраз әуреге түсті. Ал бір ажалдан аман қалған «Дэу Матиз» көлігінің жолаушысы тіпті есінен танып қалған. Қорқынышын баса алмаған ол БМВ-ның жол ережесін өрескел бұзғанын айтып қана үлгерді.
«Қарама-қарсы жүйткіп келе жатты. Солға бұрылып жатқанмын. Қарсы бағытпен жүйткіп бізді соқты»,-дейді жәбірленуші Юрий Тригулов.

Екі адамның өмірін қиған БМВ-да үш бірдей тәртіп сақшысы отырған. Олар апаттан кейін жалма-жан көліктің нөмірлерін алып тастапты. Оқиға куәгерлері түсірген мына таспада тіпті біреуінің қолына ішімдіктің бос шөлмегін ұстап тұрғанын да анық аңғаруға болады. Ал полицейлер күдіктінің Ішкі істер министрлігіне қарасты мамандандырылған күзет қызметінде істейтінін айтты.

«Бұл жол апатын жасаған сезікті оқиға болған жерде ұсталып, полиция қызметкерлерімен уақытша оқшаулау абақтысына қамалды. Бірнеше күннен кейін оған қатысты бұлтартпау шарасы тағайындалатын болады»,-дейді Алматы қалалық ІІД ресми өкілі Салтанат Әзірбек.

Қазір осы жол апатына қатысты қылмыстық іс қозғалып, тергеу басталып кетті. Жол сақшылары қажетті сараптама жасатып апаттың нақты себебін анықтамақшы.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
18.01.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар