Алматыда полицейлер Instagram-ға есірткінің суреттерін жариялаған қызды іздестіріп жатыр (фото)
Алматы қаласы ІІД басшысы Серік Күдебаев Instagram-да жарияланған есірткінің суреттерін мұқият тексеріп, оның авторын анықтауға бұйрық берген.
Сурет instagrama.ru
Бұған дейін ғаламтор пайдаланушылар алматылық бойжеткен ескіртіні насихаттап жатыр деп шағымданған болатын.
“Басшылық Instagram желісінде жарияланған мақалалардың авторын анықтауды тапсырды. Фотосуреттерді тексеру Алматы қаласының ішкі істер департаментінің оперативті құрылымына тапсырылды. Тексерудің қорытындысы бойынша құқықтық қорытынды жасалады. Егер желіні пайдаланушы шынымен ескірткі қолданатын болса және мұны әлеуметтік желілерде ашықтан-ашық насихаттаған болса, ол үшін жазаланады”, – деп мәлім етті Алматы қаласы ІІД баспасөз қызметінің жетекшісі Салтанат Әзірбек.
Фотосуреттердің насихаттық сипаты бар ма, жоқ па, ол сараптамадан соң белгілі болмақ.
Ал бойжеткен болса өзінің парақшасында ескірткі қолданатынын, оны қаладағы клубтарда сатып алатынын ашық жазып отыр.