Алматыда Lexus жүргізушісінің кінәсінен ірі жол апаты болды (фото)
Алматыда төрт бірдей автокөліктің қатысуымен ірі жол апаты орын алды.
Бұл туралы СТВ телеарнасындағы “Территория происшествий” бағдарламасы хабарлайды.
Жол апаты нәтижесінде бір адам қайтыс болды.
Оқиға тамыздың 21-інен 22-сіне қараған түні сағат 3.00 шамасында Төле би мен Қалдаяқов көшелері қиылысында болған. Lexus 470 маркалы көлік батыс бағытта Төле би көшесі бойымен келе жатқан.
Осы уақытта Қалдаяқов бойымен солтүстік бағытта Mazda 323, ал оңтүстік бағытта Hyundai Sonata мен Toyota Land Cruiser Prado жүріп келе жатады.
Көліктер арасындағы соқтығыс аталған көшелердің қиылысында Lexus тізгіндеген жас жүргізушінің кінәсінен орын алған. Соқтығыс салдарынан Hyundai автокөлігінің жолаушысы көз жұмды. Ал сол көліктің жүргізушісі жедел жәрдем көмегімен ауруханаға жеткізілді.
Талқылау