Алматыда “Компот” дәмханасы өртке оранды
Алматыда «Компот» дәмханасында шыққан өрт сөндірілді, деп хабарлайды қалалық ТЖД-ның ресми өкілі Сандуғаш Баймұхамбетова.
Сурет: www.kazinform.kz
«11 шілдеде Алматы қалалық ТЖД-ның «101» қызметіне Медеу ауданындағы «Компот» дәмханасы өртеніп жатқаны туралы оқиғаны көрген адам хабарласқан. Алғашқы өрт сөндірушілер Космодемьянская көшесіне 6 минуттан соң жеткен. Олар келген уақытта дәмхана шатыры жалынға оранып үлгерген. Өрт сөндіру кезінде 5 газ баллоны және 1 оттегі баллоны шығарылды. Өрт сөндіруге гидранттардағы қысымның болмауы қиындық тудырды. Ғимаратты ұзақ уақытқа электрден ағытылуы да жағдайды қиындатты», – делінген хабарламада.
Бастапқы мәлімет бойынша, өрттің шығуына электр тоғының беруде ақау себепші болған.
Өрт ауыздықталып, толық сөндірілді. Жалын 600 шаршы метр жерді шарпыған. Одан ешкім зардап шекпеген.
Жіберіп алмаңыз:
Өскеменде өрт сөндірушілер жанып жатқан үйден екі бүлдіршінді аман алып шықты
Павлодарда жомарт жан өрт салдарынан далада қалған отбасына баспана сыйлады (фото)
Зейнеткерді өрттен құтқарған қызылжарлық полицейлер марапатқа ұсынылмақ