Алматыда көлікті соққан автобус дүкен ішіне жапырып кірді (фото)
Алматыда бүгін болған жол апатынан 2 жүргізуші мен 4 жолаушы зардап шекті.
Бұл туралы Алматы қалалық ІІД баспасөз қызметінің басшысы Салтанат Әзірбек хабарлады.
№85 автобус Сейфуллин көшесімен келе жатқан. Жолдың қарсы бетінде келе жатқан Daewoo Nexia жүргізушісі қоғамдық көлікпен соқтығысқан. Қатты соққыдан автобус тұрақта тұрған Hyundai маркалы көлікті оңдырмай соғып, сосын азық-түлік дүкенін жапырып өткен.
4 автобус жолаушысы мен 2 жүргізуші дәрігер көмегіне жүгінген.
Дүкен ішінде ешкім зардап шекпеген.
Салтанат Әзірбек ҚР ҚК 345 бабы 1 бөлімі бойынша сотқа дейінгі тексеру жұмыстарының басталғанын хабарлады.
Талқылау