Алматыда автобусты жүйтки жүргізген жүргізуші ұсталды
Алматыда таудан құлдилап түскен автобус жүргізушісі куәлігінен айрылып, жұмыстан шығарылды.
Жүргіншілердің өміріне қауіпті болғанына қарамастан таудан құлдилап түскен автобустың видеосы интернет желілерінде кеңінен таралды. ЖШС”Алматыэлектротранс” басшылығы бұл істі бірден қолға алып, жүргіншілердің өміріне қауіп төндіргені үшін жұмыстан шығарылды. №39 қалалық автобус жүргізушісі 29 жасар Н. Калбаев деген азамат болып шықты. Ол №3 қалалық коммуналды автобус паркінде осы жылдың ақпан айынан бастап жұмыс істеген. көлік жүргізгеніне 6 жыл болған.
Алматы қаласының ІІД-ті хабарлауынша, жүргізуші солтүстік бағытта Горный көшесімен қатты жылдамдықта түсіп, қарсы бетке шыққандығы үшін әкімшілік жауапкершілікке тартылып, бір жылға жүргізуші куәлігінен айырылды.
Естеріңізде болса, біз бұл автобустың жауынды күні үлкен жылдамдықпен жүріп халықты шошытқаны жайлы жазған едік.