Алматыда автобусты соққан Гелендваген жүргізушісі жұрттан кешірім сұрады

Жұма, 12 Мамыр , 2017 22:30

Алматыда автобуспен соғысқан Гелендвагеннің тізгінінде болған прокуратура қызметкері апаттан зардап шеккендерден кешірім сұрап, оларға көмеутесуге тырысатынын айтты. Бұл қымбат джипті Әуезов ауданы прокурорының көмекшісі Бекзат Бөшеннің жүргізгені артынан анықталған еді. 30 жастағы жігіт жол ережесін бұзбағанын және бұрылған сәтте жақын маңда автобустың болмағанын алға тартуда. Ал апаттан зардап шеккендер бүгін жансақтау бөлімінен палатаға шығарылды, деп хабарлайды КТК арнасы.

vtg6kn0WkUI

Фото: vk.com

Бағасы пәтер құнынан кем түспейтін темір тұлпардың қатысуымен болған жол апатынан соң ел ішінде оның иесі қарапайым адам емес қой деген сөз тарап кететіні бар. Алматыда кеше ғана болған оқиға – соның тағы бір дәлелі. Яғни Мерседес Гелендвагеннің тізгінінде прокуратура қызметкері екені анықталды.

30 жастағы жігіт Әуезов ауданы прокурорының көмекшісі болып қызмет атқарады. Бекзат Бөшен мамырдың екісінен бастап еңбек демалысына шығыпты. Апат болар алдында оған жұбайы хабарласып, үйге тез келуін сұраған екен.

«Оң жақтағы көлікті өткіздім, ол кезде автобус жоқ болды. Оңға бұрдым да, қатты соққыны сездім. Есімді жисам ұлым қозғалыссыз отыр екен. Дүкенге кіріп көмек көрсеткен соң ол есін жия бастады. Кейін жедел жәрдеммен ауруханаға кеттік», – дейді Әуезов ауданы прокурорының көмекшісі Бекзат Бөшен.

Прокурор көмекшісі қымбат джиптің туған бауырынікі екенін айтады. Бірақ әлеуметтік желідегі жазбаларынан оның неміс автосын ұнататыны анық байқалып тұр. Бүгін ол көзіне жас алып, жұрттан кешірім сұрады.

«Мені кешіріңіздер! Бұны болсын деген жоқпын. Автобусты шынымен байқамадым. Оның үстіне оң жақта балам отырды, баламның өмірін ешқашан қатерге тікпеймін ғой. Ал зардап шеккендерге барынша көмектесуге тырысамын», – дейді Бекзат Бөшен.

Зардап шеккендерге расымен де көмек қажет болады. Себебі, 4 адам ауыр жарақат алған.

«Бір науқасқа ота жасалды. Ол жарақаттан кейін көк бауыры езілген, қан кеткен. Қазір оның жағдайы жақсы, бөлімшеге ауыстырылды», – дейді №7 қалалық аурухана бас дәрігерінің орынбасары Қамбар Байжігітов.

Ал автобусқа отырып, ауруханадан бір-ақ шыққандар соққының қатты болғанын айтады. Олардың сөзіне қарағанда, қоғамдық көлік қатты жүрген сияқты.

«Мен былай кірсеңіз оң жағында от водителя екінші орында отырдым. Соққыдан кейін ең алдында есіктің алдындағы ступенькада жатыр екенмін. Сол жаққа ұшып кеттім», – дейді зардап шегуші Сәуле Жүнісбаева.

Ал тасымалдаушы компания автобустың қозғалыс ретін көрсетті. Онда №63 бағыттағы қоғамдық көліктің соңғы аялдамадан өткен соң небәрі 14 секундтың өткені бақалады. Ал жылдамдығы сағатына 57 шақырымнан аспапты.

Аталған оқиға бойынша Гелендваген жүргізушісіне 15 айлық есептік көрсеткіш көлемінде, шамамен 35 мың теңге айыппұл салынды. Сондай-ақ, ол жүргізуші куәлігінен бір жылға айырылуы мүмкін. Қазір оқиғаның мән-жайы анықталып жатыр. Ал Бас прокуратура өкілдері ішкі тергеу ісін бастаған.

Жіберіп алмаңыз:

Алматылық отбасының ЭКО арқылы дүниеге келген үш бірдей баласы сал ауруына шалдыққан

Шымкенттік: Бас полицей үлкен қылмыстарды үнемі өзі қолдан жасады

Б.Сапарбаев үйі қирағандарға 100 мың теңгеден берілетінін жоққа шығарды

Шымкентте бір қызды екі рет алып қашқан жігіт сотталды

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
28.07.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар